ءبىزدىڭ ساۋساق كىشكەنتاي ۇيالى تەلەفوندى جانە كومپيۋتەردىڭ پەرنەتاقتاسىن جىلدام باسۋدى ۇيرەنىپ الدى. الايدا عالىمدار قولمەن جازۋدىڭ ءبىرقاتار ارتىقشىلىعى، ءتىپتى دەنساۋلىققا پايداسى بار ەكەنىن دالەلدەدى.
1. قولمەن جازۋ مي سىڭارلارىنىڭ بەلسەندى جۇمىس جاساۋىنا سەبەپ. زەيىندى شوعىرلاندىرۋ، ەموتسيانى باقىلاۋ وڭايىراق بولادى، ال سويلەمدەر قاعاز بەتىنە جۇيەلى تۇسەدى.
2. قولمەن جازىلعان مالىمەتتەر، حابارلامالار جادىدا جاقسى ساقتالادى. وسى سەبەپتەن ءبىلىم بەرۋ ۇيىمدارىندا وقۋشىلار مەن ستۋدەنتتەردەن ساباق تاقىرىبىن جانە ءۇي تاپسىرماسىن قولمەن جازۋدى ۇسىنادى.
3. قولمەن جازۋ جاس بالالارعا ساۋساق موتوريكاسىن دامىتۋعا جانە جىلدام سويلەۋگە كومەكتەسەدى.
4. ادامنىڭ حاتىن قاراۋ ارقىلى دارىگەرلەر ونىڭ بويىندا قانداي اۋرۋلار بار ەكەنىن بولجاي الادى. مىسالى ءسوزدى دۇرىس ايتپاۋ جانە سوزدە قاتە جىبەرۋ التسگەيمەر اۋرۋىنىڭ بەلگىسى بولۋى مۇمكىن.
پاركينسوننىڭ العاشقى بەلگىلەرىن دە دارىگەرلەر ادام قولجازباسىنا قاراپ بىلەدى.
ءسىز شە، قاشان قولعا قالام العانىڭىز ەسىڭىزدە مە؟
massaget.kz