شەتەلدەن 4 مىڭنان اسا جولاۋشى كەلدى

نۇر-سۇلتان. قازاقپارات - 2021 -جىلدىڭ 1-مامىرىندا قازاقستان رەسپۋبليكاسىنىڭ اۋماعىنا گەرمانيا، شۆەيتساريا، ب ا ءا، مىسىر، تۇركيا، بەلارۋس رەسپۋبليكاسى، گرۋزيا، ۋكراينا، تاجىكستان، رەسەي فەدەراتسياسى، وزبەكستان جانە قىرعىزستاننان 34 حالىقارالىق اۋە رەيسى كەلدى.

بۇل تۋرالى قازاقپارات سانيتاريالىق - ەپيدەميولوگيالىق باقىلاۋ كوميتەتىنە سىلتەمە جاساپ حابارلايدى. وتكەن تاۋلىكتە 4219 اۆياجولاۋشى كەلدى.

ونىڭ ىشىندە: الماتى قالاسىنىڭ اۋەجايىنا - 22 رەيس، 2633 جولاۋشى؛ نۇر-سۇلتان قالاسىنىڭ اۋەجايىنا - 8 رەيس، 975 جولاۋشى؛ شىمكەنت قالاسىنىڭ اۋەجايىنا - 2 رەيس، 235 جولاۋشى؛ اقتاۋ قالاسىنىڭ اۋەجايىنا - 1 رەيس، 148 جولاۋشى؛ اقتوبە قالاسىنىڭ اۋەجايىنا - 1 رەيس، 228 جولاۋشى. بارلىق جولاۋشىلار COVID-19-عا پ ت ر تەستىلەۋ تۋرالى انىقتامامەن كەلگەن.