ونلاين-كەزدەسۋ بارىسىندا پوليتسەيلەر جىلقى ۇرلىعىمەن اينالىسقان توپتىڭ ءبىرقاتار قىلمىسىن اشقانى بەلگىلى بولدى، دەپ حابارلايدى قازاقپارات ءتىلشىسى. قاراعاندى وبلىسى پ د باستىعى ەرلان فايزۋللين ءوزىنىڭ ورىنباسارلارىمەن جانە اۋماقتىق پوليتسيا بولىمدەرىنىڭ باستىقتارىمەن ءبىر جۇمىس كۇنى ارالىعىندا ازاماتتاردى قابىلدادى. ادامداردى نەگىزىنەن بەلگىلى ءبىر قىلمىستىق ىستەر بويىنشا تەرگەۋ بارىسى، اكىمشىلىك جاۋاپكەرشىلىككە تارتۋ ماسەلەلەرى قىزىقتىردى.
قاراعاندى وبلىسىنىڭ تۇرعىنى قۇرمانباي قالدىبەكوۆ كريمينالدىق پوليتسيا قىزمەتكەرلەرىنە جىلقى ۇرلىعىن اشقانى ءۇشىن العىس ايتۋ ءۇشىن دەپارتامەنت باستىعىنىڭ قابىلداۋىنا جازىلعان ەكەن.
ايتا كەتۋ كەرەك، قۇرمانباي توكەن ۇلى 2019 -جىلدىڭ جەلتوقسان ايىنىڭ سوڭىندا قابىلداۋدا بولعان، سول كەزدە اۋىل تۇرعىنى شەت اۋدانىندا 22 باس جىلقى ۇرلىعىن، مۇلىكتىك قىلمىستى اشۋ ءۇشىن شارالار قابىلداۋدى سۇراعان. پوليتسيا پولكوۆنيگى ەرلان فايزۋللين ءوتىنىش بەرۋشىگە ءىستى باقىلاۋعا الۋعا، بارلىق قاجەتتى جەدەل ءىس- شارالار مەن تەرگەۋ ارەكەتتەرىن جۇرگىزۋگە ۋادە بەردى.
ماسەلەن، 3-ناۋرىزدا مۇقيات ازىرلەنگەن جانە ساۋاتتى جۇرگىزىلگەن وپەراتسيا بارىسىندا قاراعاندى وبلىسىنىڭ كريمينالدىق پوليتسيا قىزمەتكەرلەرى جاڭاارقا جانە شەت اۋداندارىندا جىلقى ۇرلاۋعا مامانداندىرىلعان تۇراقتى قىلمىستىق توپتى انىقتاپ، ۇستادى. ونىڭ قۇرامىنا جاڭاارقا اۋدانىنىڭ 30-40 جاس ارالىعىنداعى بىرنەشە تۇرعىنى كىردى. قىلمىستىق توپ ءتورت جىل بويى زاڭسىز ارەكەت ەتكەن.
«مەن سىزگە شەكسىز ريزامىن. پوليتسيا قىزمەتكەرلەرىمەن وراسان زور جۇمىس جۇرگىزىلدى. ءتارتىپ ساقشىلارىنىڭ تىنىمسىز بارلىق دالەلدەۋ بازاسىن تىنىمسىز جيناعانىنىڭ ارقاسىندا وسىنداي ناتيجەگە قول جەتكىزىلدى. اۋىل تۇرعىنى ءۇشىن مال - جالعىز تابىس كوزى. ەندى قىلمىسكەرلەردىڭ ارەكەتىنە سوڭعى نۇكتە قويىلدى»، - دەدى قۇرمانباي قالدىبەكوۆ.
«حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ، حالىقپەن «كەرى بايلانىس» ورناتۋ - ءبىز ءۇشىن ماڭىزدى مىندەتتەردىڭ ءبىرى. تۋىنداعان ماسەلەلەر مەن پروبلەمالار جەدەل شەشىلۋى ءۇشىن وبلىس تۇرعىنىنىڭ ءاربىر ءوتىنىشى مەن شاعىمدارىنا ءتيىستى جاۋاپ بەرىلەدى. بۇل ءىس- شارانى اي سايىن وتكىزەمىز»، - دەپ اتاپ ءوتتى قاراعاندى وبلىسى پ د باستىعى ەرلان فايزۋللين.
اۆتور: اگاتا مۋحامەدجانوۆا