الماتى وبلىسىندا كولىك اپاتىنان 4 ادام مەرت بولدى
12:38, 29 - قىركۇيەك 2019
تالدىقورعان. قازاقپارات - كەشە تاڭعى ساعات 05:50 دە الماتى وبلىسىنىڭ كەربۇلاق اۋدانىندا كولىك اپاتىنان 4 ادام مەرت بولدى.
جانتۇرشىگەرلىك وقيعا كوكتال-سارىوزەك تاس جولىنىڭ 140-شاقىرىمىندا بولعان، دەپ حابارلايدى قازاقپارات ءتىلشىسى.
«وقيعا ورنىندا 3 ادام جان تاپسىردى. التى ادام ءتۇرلى دەنە جاراقاتىمەن سارىوزەك اۋىلىنداعى اۋرۋحاناعا جەتكىزىلدى. جانساقتاۋ بولىمىندە تاعى ءبىر ادام قايتىس بولدى. قازىر ق ك ق ك 345-بابىنىڭ 4-بولىگى بويىنشا سوتالدى تەرگەۋ ءجۇرىپ جاتىر»، - دەپ مالىمدەدى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
ۆەدومستۆو مالىمەتىنە سايكەس، 4 ادامنىڭ ولىمىنە اكەپ سوققان كولىك اپاتىنىڭ تەرگەۋ جۇمىستارى وبلىستىق پوليتسيا دەپارتامەنتىنىڭ وندىرىسىندە.
ايتا كەتەيىك، جول اپاتىندا «تويوتا كامري-30» جانە «مازدا-626» كولىكتەرى سوقتىعىسقان.
اۆتور: سامال قابىشەۆا