قاسىم- جومارت توقايەۆتىڭ جۇرت بىلە بەرمەيتىن 4 قىرى
قاسىم- جومارت كەمەل ۇلى توقايەۆ 1953 -جىلى 17 - مامىردا الماتىدا دۇنيەگە كەلگەن. قازاقستاننىڭ مەملەكەت جانە قوعام قايراتكەرى، ساياسي عىلىمدار دوكتورى، قازاقستان رەسپۋبليكاسىنىڭ بۇرىنعى پرەمەر- ءمينيسترى (1999-2002) ، 2013 -جىلدىڭ 16 - قازانىنان باستاپ ق ر پارلامەنتى سەناتىنىڭ ءتوراعاسى قىزمەتىن اتقاردى.
1. پوليگلوت قازاقستان پرەزيدەنتى قاسىم- جومارت توقايەۆ انا تىلىنەن بولەك، ورىس، اعىلشىن جانە قىتاي تىلدەرىن جەتىك مەڭگەرگەن. سونداي- اق، فرانسۋز تىلىندە سويلەي الادى.
2. قالامگەر قاسىم- جومارتتىڭ اكەسى كەمەل توقايەۆ تانىمال جازۋشى بولعان. قازاقستانداعى دەتەكتيۆ جانرىنىڭ نەگىزىن قالاۋشى. «اكە كورگەن وق جونار» دەمەكشى، قاسىم- جومارت تا جازۋشىلىققا دەن قويعان. ءبىراق دەتەكتيۆ جانرىندا ەمەس، مەمۋارلىق وچەركتەر جازىپ كەلەدى. ونىڭ ىشىندە تاۋەلسىز قازاقستاننىڭ حالىقارالىق قاتىناستارىنا ارنالعان ءبىرشاما تۋىندىلارى بار. 10 كىتاپ پەن ءبىرقاتار ماقالالار اۆتورى. ساليقالى دا سالماقتى، پايىم پارقى بيىك ازامات ءومىربايانى جايلى «اكە تۋرالى تولعانىس» دەگەن عۇمىرنامالىق كىتابىندا جازا كەتەدى. وسى ءبىر ەسسەسىندە اكەسى كەمەل توقايەۆ پەن اناسى تۇرار شاباربايەۆا تۋرالى اڭگىمەلەيدى. بۇل پەرزەنتتىڭ ايالاپ وسىرگەن اتا- اناسى تۋرالى تولعانىسى، جۇرەك سىرى ىسپەتتى. بوس ۋاقىتىندا كىتاپ وقىعاندى ۇناتادى.
3. ۇستەل تەننيسى شەبەرى قاسىم- جومارت توقايەۆ سالاماتتى ءومىر سالتىن بەرىك ۇستانادى. مەكتەپتە وقىپ جۇرگەن كەزىندە ۇستەل تەننيسىنەن ك س ر و سپورت شەبەرلىگىنە كانديدات بولعان. ال 2016-2018 -جىلدار ارالىعىندا قازاقستان ۇستەل تەننيسى فەدەراتسياسىن باسقاردى. جۋىردا باتىس قازاقستان وبلىسىنا ساپارى بارىسىندا جاستارمەن ۇستەل تەننيسىن وينادى.
4. Twitter جەلىسىنىڭ بەلسەندىسى بەلگىلى ساياساتكەر Twitter الەۋمەتتىك جەلىسىن بەلسەندى قولداناتىنداردىڭ قاتارىنان. ەلدەگى جانە الەمدەگى ماڭىزدى وقيعالارعا قاتىستى پىكىرىن جەلىدە ۇنەمى ءبىلدىرىپ وتىرادى. سونداي- اق instagram جەلىسىندە دە جەكە پاراقشاسى بار.
Massaget.kz