قازاقستاندىق تاعى 4 سپورتشى دوپينگ قولدانعان
17:15, 29 - قازان 2018
استانا. قازاقپارات - قازاقستاننىڭ دوپينگكە قارسى ۇلتتىق ورتالىعى تىيىم سالىنعان پرەپاراتتاردى قولدانعان ءتورت سپورتشىنىڭ ەسىمىن جاريالادى، دەپ حابارلايدى Sports.kz.
ولار:
الەكساندر گودوۆانيۋك (سۋ پولوسى) 2022-جىلدىڭ 1- تامىزىنا دەيىن شەتتەتىلدى (ورالتۋرينابول).
ابزال ابىلداشەۆ (سامبو) 2022-جىلدىڭ 24- شىلدەسىنە دەيىن شەتتەتىلدى (دروستانولون، مەتانديەنون، ترەنبولون، ستانوزولول).
ازات دوبايەۆ (سامبو) 2020-جىلدىڭ 19- شىلدەسىنە دەيىن شەتتەتىلدى (فۋروسەميد).
اسلان كوريگوۆ (پاۋەرليفتينگ) 2021-جىلدىڭ 8- جەلتوقسانىنا دەيىن شەتتەتىلدى (تەستوستەرون).
قازىرگى كەزدە 2018-جىلى ديسكۆاليفيكاتسيالانعان سپورتشىلاردىڭ سانى - 30 ادام.
ەسكە سالا كەتەيىك، قازاقستاننىڭ دوپينگكە قارسى ۇلتتىق ورتالىعى وسى جىلدىڭ قىركۇيەك ايىندا تىيىم سالىنعان قوسپالاردى قولدانعانى ءۇشىن شەتتەتىلگەن سپورتشىلاردىڭ جاڭارتىلعان ءتىزىمىن جاريالاعان بولاتىن. ول تىزىمگە جەتى قازاقستاندىق سپورتشى ەنگەن.