بىرىنشىلىكتە كوماندالار ا جانە ب ليگالارىندا كۇش سىناسادى، دەپ حابارلايدى «SPORTINFORM» س ا ا.
BAQ League - قازاقستان جۋرناليستەرى اراسىندا جارىستار تاريحىندا ەڭ ءبىرىنشى تولىققاندى فۋتبول بىرىنشىلىگى. باق ليگاسى جۋرناليستەردى بىرىكتىرىپ، ولارعا جاڭا ىسكەرلىك بايلانىستار تابۋعا كومەكتەسۋ، سونىمەن قاتار كورپوراتيۆتىك مادەنيەت پەن قۇندىلىقتاردى قالىپتاستىرۋ جانە جاقسارتۋ ماقساتىندا قۇرىلعان بولاتىن.
BAQ League بىرىنشىلىگىنىڭ ءبىرىنشى ماۋسىمى 2016 -جىلى ءوتتى. سول ۋاقىتتا جارىسقا قاتىسقان 11 كوماندا اراسىندا «حابار» اگەنتتىگى باس جۇلدەگە يە بولسا، «قازاق راديوسى» ۆيتسە- چەمپيون اتانعان ەدى. ال جۇلدەلى ءۇشىنشى ورىن استانا فۋتبول فەدەراتسياسىنىڭ باسپا ءسوز قىزمەتىنە بۇيىردى.
2017 -جىلدىڭ مامىرىندا وتكەن BAQ League ەكىنشى ماۋسىمىندا «حابار» اگەنتتىگى تاعى دا ءوزىنىڭ مىقتىلىعىن دالەلدەدى. جۇلدەلى ەكىنشى جانە ءۇشىنشى ورىندار «Elorda Aqparat» پەن «استانا» تەلەارناسىنىڭ قانجىعاسىن مايلادى.
ال ءۇشىنشى ماۋسىمدا دا «حابارلىقتار» ۇزدىك تانىلدى. ەكىنشى ورىن ق ر اقپارات جانە كوممۋنيكاتسيالار مينيسترلىگىنىڭ ساراپتاما جانە اقپارات ورتالىعىنىڭ كومانداسىنا، ءۇشىنشى ورىن «قازمەديا» ورتالىعىنا بۇيىرعان ەدى.
ال بىرىنشىلىكتىڭ ءتورتىنشى ماۋسىمىنا مىناداي 13 كوماندا قاتىسۋدا: «حابار»، «حابار 24»، «سپورت» گازەتى، Egemen Qazaqstan» گازەتى، ق ر اقپارات جانە كوممۋنيكاتسيالار مينيسترلىگىنىڭ ساراپتاما جانە اقپارات ورتالىعى، «قازمەديا» ورتالىعى، «Qazaqstan» تەلەارناسى، «ەۆرازيا ءبىرىنشى ارناسى»، «اسىل ارنا» تەلەارناسى، «Elorda Aqparat»، «قالامگەر» اگەنتتىكتەرى جانە «SPORTINFORM - Kazinform» بىرىككەن كومانداسى.