ەكى ەر ادام يتىمەن بىرگە 17 -قاراشا كۇنى بالىق اۋلاۋعا بارعان. ولاردىڭ تۋسىتارى دۇيسەنبىگە دەيىن كۇتكەن، ۇيگە ورالماعاندىقتان پوليتسيا مەن قۇتقارۋشىلارعا حابارلاسقان. قۇتقارۋشىلار بالىقشىلاردى ءبىر تاۋلىك بويى ىزدەپ 21 ءى كۇنى تاۋىپ العان.
قۇتقارىلعان ەكى ادام باستارىنان وتكەن جاعدايدى بايانداپ بەرگەن.
ولار جول تالعامايتىن كولىكپەن بالشىقتى ايماققا ءوتىپ كەتكەن. باتىپ قالعان كولىكتى اينالشىقتاپ جۇرگەن كەزدە ولاردىڭ ءبىرى وزدەرىنە قاراي كەلەجاتقان قولتىراۋىندى كورەدى. ولار بىردەن كولىكتىڭ توبەسىنە شىعىپ جاتىپ الادى. قۇتقارۋشىلار كەلگەن كۇنى ولار ءتورتىنشى كۇن كولىكتىڭ توبەسىندە تۇنەگەن ەدى.
« مىنانداي ىستىقتا بەسىنشى كۇن دالادا قالۋ وڭاي ەمەس. ءتورتىنشى كۇن كولىك ۇستىندە تىعىلىپ جاتقاندا ولار نە ويلادى ەكەن»، - دەيدى پوليتسيا قىزمەتكەرى.
ەكى بالىقشى ءتورت كۇن ىشىندە جۇدەپ كەتكەن، ودان قالسا باستارىنان كۇن ءوتىپ كەتىپتى.