ريو وليمپياداسىنا قاتىساتىن ساۋد ارابياسى قۇراماسىنا 4 ايەل كىردى
08:02, 02 - تامىز 2016
استانا. قازاقپارات - برازيليالىق ريو- دە- جانەيرودا تامىزدىڭ 5 - 21- ءى ارالىعىندا وتەتىن وليمپيادالىق ويىندارعا قاتىساتىن ساۋد ارابياسى قۇراما كومانداسىنا ءتورت ايەل كىرىپ وتىر.
بۇل تۋرالى France-Presses اگەنتتىگى حابارلادى.
ولاردىڭ اراسىندا ەكى جەلاياق - سارا ال- اتتار مەن كاريمان ابۋ ال- دجادايل، دزيۋدوشىلار - ۆۋدجۋد فاحمي جانە سەمسەرشى ليۋبنا ال- ۋماير بار.
ايتا كەتكەن ءجون، سارا ال- اتتار ءۇشىن بۇل ەكىنشى وليمپيادا. جەلاياق قىز لوندوندا وتكەن 2012 -جىلعى ويىنداردا 800 مەتر قاشىقتىققا جۇگىرگەن ەدى. ەندى مارافوندا باعىن سىناعالى وتىر.
ەسكە سالساق، وليمپيادالىق ويىندارعا ساۋد ارابياسى ءوز تاريحىندا ەكىنشى رەت قاتىسقالى وتىر. 2012 -جىلعى لوندوندا وتكەن وليمپيادادا ۇلتتىق كوماندا قاتارىندا جوعارىدا ايتا كەتكەن سارا ال- اتتارمەن بىرگە دزيۋدوشى ۆودجدان شاحەرحاني ونەر كورسەتكەن ەدى.