سوتقا دەيىنگى ءوندىرىستى اشۋعا ۇستالعان تۇلعالاردىڭ قازاقستان رەسپۋبليكاسىندا تىيىم سالىنعان «تابليعي جاماعات» ەكسترەميستىك ۇيىمىنىڭ ارەكەتتەرىنە بەلسەندى قاتىسۋلارى تۋرالى مالىمەتتەر نەگىز بولدى.
اتالعان تۇلعالارعا ۇلتتىق قاۋىپسىزدىك ورگاندارى بىرنەشە رەت «تابليعي جاماعاتتىڭ» سوت شەشىمىمەن زاڭسىز دەپ تانىلعانى جانە ونىڭ ءىس- ارەكەتىنە قاتىسۋ قىلمىستىق جاۋاپكەرشىلىككە الىپ كەلەتىندىگى تۋرالى رەسمي ەسكەرتپە جاساعان.
ۇستالعاندار استانا قالاسى ءىىد ۋاقىتشا ۇستاۋ يزولياتورىنا قاماۋعا الىندى.
جەدەل- تەرگەۋ ءىس- شارالارى جالعاسۋدا.
وسىعان بايلانىستى ۇ ق ك باسپا ءسوز قىزمەتى «تابليعي جاماعات» شەتەلدىك ۇيىمىنىڭ 2013 -جىلى اقپاندا استانا قالاسى سارى ارقا اۋداندىق سوتى شەشىمىمەن ەكسترەميستىك بولىپ تانىلعاندىعى جانە ونىڭ ءىس- ارەكەتىنە قازاقستان رەسپۋبليكاسى اۋماعىندا تىيىم سالىنعاندىعى تۋرالى ەسكە سالادى.