ق ر پرەزيدەنتتىك سايلاۋى وتەتىن كۇنى قىتايدىڭ 4 قالاسىندا سايلاۋ بولىمشەسى جۇمىس جاسايدى - فوتو
بۇل تۋرالى ب ا ق وكىلدەرىنە ارنالعان بريفينگتە ق ح ر- داعى قازاقستاننىڭ توتەنشە جانە وكىلەتتى ەلشىسى شاحرات نۇرىشيەۆ ءمالىم ەتتى.
«ونىڭ ءبىرىنشىسى - ق ح ر- داعى ق ر ەلشىلىگى جانىنداعى №207 سايلاۋ ۋچاسكەسى (بەيجىڭ قالاسىندا)، ەكىنشىسى - گونكونگتاعى(شياڭگاڭ) ق ر باس كونسۋلدىعى جانىنداعى №243 سايلاۋ ۋچاسكەسى، ءۇشىنشىسى - شاڭحاي قالاسىنداعى ق ر باس كونسۋلدىعى جانىنداعى №244 سايلاۋ ۋچاسكەسى، ءتورتىنشىسى - ءۇرىمجى قالاسىنداعى ق ر س ءى م ءتولقۇجاتتىق-ۆيزالىق قىزمەتى جانىنداعى №253 سايلاۋ ۋچاسكەسى»، - دەدى ول.
ش. نۇرىشيەۆ جيىلعانداردى سايلاۋ تۋرالى، وعان دەگەن دايىندىق، ءار ۇمىتكەر تۋرالى اقپاراتپەن، حالىقارالىق بايقاۋشىلاردىڭ سانىمەن جانە وزگە دە ماعلۇماتتارمەن تانىستىردى.
ول سايلاۋ تۋرالى بارلىق اقپاراتتى قحر- داعى قر ەلشىلىگىنىڭ سايتىنان (www.kazembassy.cn)، سونىمەن قاتار قىتايلىق الەۋمەتتىك جەلىلەردەگى ونىڭ اككاۋنتتارىنان بىلۋگە بولاتىنىن ايتتى.
ديپلوماتيالىق وكىلدىك باسشىسى 14 -ساۋىردە ق ح ر ءتوراعاسى شي جينپين سەنىم گراموتاسىن العان سوڭ قازاقستان پرەزيدەنتى نۇرسۇلتان نازاربايەۆقا جىلى لەبىزىن جولداپ، ەكى ەلدىڭ ءتۇرلى سالالارداعى ىنتىماقتاستىعىنىڭ ءارى قاراي دامۋىنا ءۇمىت بىلدىرگەنىن جەتكىزدى.