قاراعاندى ارحەولوگتارى 4 مىڭ جىل بۇرىن ءومىر سۇرگەن ادامنىڭ شاشىن تاپتى

استانا. قازاقپارات - قاراعاندى ارحەولوگتارى جىلدىق قورىتىندى جاساپ، ناتيجەلەرىمەن قۋانتتى. ولار ءوتىپ بارا جاتقان جىلقى جىلىنىڭ تابىستى بولعانىن ايتادى. قازبا جۇمىستارى ناتيجەسىندە قانشاما قۇندى جادىگەرلەر تابىلعان.

قارقارالى اۋدانىنداعى تالدى قورىمىنان الىنعان التىن ادامنىڭ اشەكەي بۇيىمدارى مۇراجاي تورىنەن ورىن تاپتى.

«وباعا جەرلەنگەن ادامنىڭ جاسى 40-45-تەر شاماسىندا، ءبىزدىڭ داۋىرىمىزگە دەيىنگى V- VI عاسىرلاردا ءومىر سۇرگەن»، - دەيدى عالىمدار. سونداي- اق تاريحي ولجا قاتارىندا ەرتە تەمىر ءداۋىرىنىڭ تاسمولا مادەنيەتىنە تيەسىلى التىن بۇيىمدار مەن ساق داۋىرىنە تيەسىلى «قوسوبا» قورىمىنداعى ەكى مەترلىك بال- بال تاستار بار.

 ال ەڭ قۇندى جادىگەر «تۇندىك» قورىمىنان تابىلعان ادامنىڭ شاشى. بۇل ءبىزدىڭ داۋىرىمىزگە دەيىنگى ХVIII-XIX عاسىرلاردا نەمەسە 4 مىڭ جىل بۇرىن ءومىر سۇرگەن ادامعا تيەسىلى. عالىمدار بۇل وتە سيرەك كەزدەسەتىن ولجا دەپ وتىر.

 جالپى ارحەولوگتاردىڭ ايتۋىنشا، جىل باسىنان بەرى 40 تان استام تاريحي- مادەني ەسكەرتكىشتەر قالپىنا كەلتىرىلىپ، 30 عا جۋىق مونوگرافيالىق ەڭبەك جارىققا شىققان.

www.khabar.kz