اقشا ايىرباستاۋ پۋنكتتەرىندە دوللار 490 تەڭگەدەن ساتىلىپ جاتىر

الماتى. قازاقپارات - نۇر- سۇلتان مەن الماتى قالالارىنداعى اقشا ايىرباستاۋ پۋنكتەرىندە دوللار 485-490 تەڭگەدەن ساۋدالانىپ جاتىر، دەپ حابارلايدى قازاقپارات ءتىلشىسى.

Kurs.kz دەرەكتەرى بويىنشا، نۇر- سۇلتانداعى ۆاليۋتا ايىرباستاۋ ورىندارىندا 1 دوللار 482,5 - 486 تەڭگەدەن ساتىلىپ جاتىر. ال الماتىدا دوللار باعامى 485 - 490 تەڭگە ارالىعىندا قۇبىلىپ تۇر.

18- شىلدەدەگى كەشكى ساۋدا قورىتىندىسى بويىنشا، دوللاردىڭ ورتاشا باعامى 3,60 تەڭگەگە ارزانداپ، 484,18 تەڭگە بولعان. ۇلتتىق بانكتىڭ 19- شىلدەدەگى رەسمي باعامى - 1 دوللارعا 484,18 تەڭگە. ءدال قازىرگى ۋاقىتتا الماتىداعى اقشا ايىرباستاۋ ورىندارىندا رەسەي ۆاليۋتاسى 7,5 - 8 تەڭگە ارالىعىندا ساۋدالانىپ جاتىر.

اۆتور: الما مۇقانوۆا