ازامات حان ۆ. ۆ. باسقارعان قىلمىستىق توپ ءوز كليەنتتەرىن بيۋدجەتكە سالىق تولەۋدەن بوساتۋ ماقساتىندا باقىلاۋداعى 7 زاڭدى تۇلعانىڭ كونتراگەنتتەرىنە جالعان شوت- فاكتۋرا جازىپ بەرگەن. ولار ءوز ارەكەتىمەن مەملەكەتكە 490 ميلليون تەڭگەدەن استام سوماعا اسا ءىرى كولەمدە زيان كەلتىرگەن. سوت باستى ايىپتالۋشى حان ۆيتالي ۆاسيليەۆيچتى ناقتى مەرزىمگە - 4 جىلعا باس بوستاندىعىنان ايىرۋعا، ال زاڭسىز اقشا جيناۋمەن اينالىسقان ەكى ادامدى شارتتى تۇردە باس بوستاندىعىنان ايىرۋعا ۇكىم شىعاردى.
ءۇش ايىپتالۋشىعا دا ۇزاق مەرزىمگە كوممەرتسيالىق ۇيىمدا باسشىلىق قىزمەت، ونىڭ ىشىندە شوت- فاكتۋرا بەرۋگە بايلانىستى لاۋازىمداردى اتقارۋعا تىيىم سالىندى. تولەنبەگەن سالىق كامەرالدىق باقىلاۋ جانە سالىقتىق تەكسەرۋ اياسىندا بۇكىل كونتراگەنتتەردەن ءوندىرىپ الىنادى.