گولوۆكينمەن 48 جاستاعى بوكسشى جەكپە-جەك وتكىزۋگە نيەتتى
22:10, 10 - قازان 2022
استانا. قازاقپارات - 48 جاستاعى بۇرىنعى الەم چەمپيونى، ارگەنتينالىق سەرحيو مارتينەس ورتا سالماقتاعى WBA بەلبەۋى ءۇشىن جەكپە-جەك وتكىزگىسى كەلەتىنىن مالىمدەدى.
قازىر ورتا سالماقتاعى WBA Super تيتۋلى قازاقستاندىق گەننادي گولوۆكينگە تيەسىلى، ال «تۇراقتى» چەمپيون كۋبالىق ەريسلاندي لارا. بۇكىلالەمدىك بوكس قاۋىمداستىعى وتكەن ايدا قوس بوكسشىعا جەكپە-جەك وتكىزۋ تۋرالى كەلىسسوزدى باستاۋدى تاپسىردى.
«ESPN KnockOut باعدارلاماسىندا سەرحيو مارتينەس WBA تۇجىرىمى ءۇشىن كەزدەسۋدىڭ وتكەنىن اسىعا كۇتىپ جۇرگەنىن، سودان كەيىن ۇيىمنىڭ قازىرگى ورتا سالماقتاعى چەمپيوندارى لارا نەمەسە گولوۆكينمەن كەزدەسكىسى كەلەتىنىن ايتتى»، - دەپ جازادى Boxeo de Campeones باسىلىمى.
ايتا كەتەيىك، مارتينەس ورتا سالماقتاعى WBA رەيتينگىسىندە ءۇشىنشى ورىندا تۇر.