كەلەر جىلى ءبىر ا ق ش دوللارى 486 تەڭگە شاماسىندا بولۋى مۇمكىن

استانا. قازاقپارات - ەۋرازيالىق دامۋ بانكىنىڭ ەكونوميستەرى جۇرگىزگەن زەرتتەۋ جۇمىسىنىڭ اياسىندا كەلەسى جىلى ءبىر ا ق ش دوللارى 486 تەڭگە شاماسىندا بولۋى مۇمكىن ەكەنى جاريالاندى.

بۇل تۋرالى اتالعان بانكتىڭ 2023 -جىلعا ارنالعان ماكروەكونوميكالىق بولجامىن تانىستىرۋ كەزىندە ايتىلدى، دەپ حابارلايدى قازاقپارات ءتىلشىسى.

«تەڭگەنىڭ ورتاشا جىلدىق باعامى 2023 -جىلى دوللارعا شاققاندا شامامەن 486 تەڭگەنى قۇراۋى مۇمكىن. بۇل نەگىزىنەن مۇناي باعاسىنىڭ تومەندەۋى جانە وسىنىڭ سالدارىنان ەكسپورتتان كەلەتىن تۇسىمدەردىڭ ازايۋى مۇمكىندىگىنەن قالىپتاسۋى ىقتيمال. وسى ورايدا تەڭگە باعامىنا قاتىستى ءتيىستى وزگەرىس بايقالماق»، - دەدى اناليتيكالىق جۇمىس ديرەكتسياسى ەلدەر بويىنشا تالداۋ جۇرگىزۋ ورتالىعىنىڭ اعا تالداۋشىسى ايگۇل بەردىعۇلوۆا.

بۇدان بۇرىن حابارلانعانداي، استانا مەن الماتى قالالارىنداعى اقشا ايىرباستاۋ پۋنكتەرىندە دوللار 465-470 تەڭگەدەن ساۋدالانىپ جاتىر.

ۇلتتىق بانكتىڭ 29-قاراشاداعى رەسمي باعامى - 1 دوللارعا 467,99 تەڭگە.