توميريس فيلمىنەن 480 ميلليون تەڭگە تابىس ءتۇستى
22:19, 25 - قازان 2019
نۇر- سۇلتان، قازاقپارات - «توميريس» فيلمىنىڭ پروكاتىنان بۇگىنگى تاڭدا 480 ميلليون تەڭگە تابىس ءتۇستى. بۇل تۋرالى ق ر مادەنيەت جانە سپورت ءمينيسترى اقتوتى رايىمقۇلوۆا ايتتى، دەپ حابارلايدى قازاقپارات ءتىلشىسى.
«ەلىمىزدە فيلم رەسپۋبليكا بويىنشا كۇن سايىن 800 رەت كورسەتىلەدى. فيلمنەن تۇسكەن قاراجات بۇگىندە 480 ميلليون تەڭگەنى قۇرادى. بۇل قاراجات بيۋدجەتكە جانە ءبىزدىڭ كينو ونەرىمىزدى دامىتۋعا جۇمسالادى»، - دەيدى مينيستر.
سونىمەن قاتار، مينيستر بۇل فيلم حالىقارالىق كينوفەستيۆالدەرگە ۇسىنىلاتىنىن جەتكىزدى.
«توميريس» وتاندىق كينويندۋستريانىڭ العا جىلجىعانىن كورسەتەدى. بۇرىن قازاقستاندا تۇسىرىلگەن فيلمدەر باسەكەگە قابىلەتسىز بولاتىنى تۋرالى ءجيى ايتىلاتىن. ەندى ءبىز وسى سىندى ەڭسەرىپ، جاڭا باعىتتا دامي باستادىق»، - دەيدى اقتوتى رايىمقۇلوۆا.
اۆتور: زارينا قاھارمان