كاسىپكەر سپورت كەشەنىن سالۋعا 480 ميلليون تەڭگە جۇمسادى
20:59, 24 - ماۋسىم 2016
استانا. قازاقپارات - اقتوبە قالاسىنداعى «باتىس-2» شاعىن اۋدانىندا قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا «Hammer» جەكە سپورت كەشەنىنىڭ سالتاناتتى اشىلۋ ءراسىمى ءوتتى.
«Hammer» سپورت كەشەنىنىڭ قۇرىلتايشىسى - جەكە كاسىپكەر زامزاگۇل بايماعامبەتوۆا بۇل نىساندى سالۋعا 480 ميلليون تەڭگە جۇمساپتى.
نىساننىڭ جالپى اۋماعى - 3800 شارشى مەتردى، سپورت كەشەنىنىڭ الاڭى -2800 شارشى مەتردى قۇرايدى. مۇندا 50 گە جۋىق جاڭا جۇمىس ورىنى اشىلدى. سۋ جاڭا سپورت كەشەنىنىڭ ءبىرىنشى قاباتىندا «فيتو- بار»، ەكى باسسەين، «سپا- سالون»، «حامام- مونشاسى»، فيتنەس- يوگا، تاەكۆوندو جانە باسقا دا جاتتىعۋ زالدارى ورنالسقان. ەكىنشى قاباتتا سپورتتىڭ ويىندىق تۇرلەرى - فۋتبول، ۆولەيبول، تەننيس زالى بار.
سپورت كەشەنىنىڭ قۇرىلىسىن جۇرگىزگەن «ارتەلرەسۋرس» ج ش س ديرەكتورى باقىتقالي كوشەربايەۆتىڭ ايتۋىنشا، ەڭسەلى عيماراتتىڭ قۇرىلىس جۇمىستارىندا 100 اقتوبەلىك ەڭبەك ەتكەن.
ساتىبالدى ءساۋىرباي
اقتوبە وبلىسى.