قاشاعاندا 479 مىڭ توننا مۇناي ءوندىرىلدى

اتىراۋ. قازاقپارات - قىركۇيەك ايىندا مۇناي ءوندىرىسى قايتا ىسكە قوسىلعان اتىراۋ وبلىسىنداعى قاشاعان كەن ورنىنان 25 -قاراشادا وندىرىلگەن تاۋار شيكىزاتىنىڭ كولەمى 479 مىڭ تونناعا جەتكەن، دەپ حابارلايدى «قازاقپارات» ح ا ا ءتىلشىسى.

«كەن ورنىنان تەك قانا تاۋارلىق مۇناي ەمەس، سونىمەن قاتار گاز وندىرىلۋدە. قازىرگى تاڭدا وندىرىلگەن تاۋارلىق گازدىڭ كولەمى 97 ميلليون تەكشە مەتردى قۇرادى. ءوندىرىس كولەمىن ۇلعايتۋ ماقساتىندا نىسانداردى پايدالانۋعا بەرۋ جۇمىستارى جۇرگىزىلۋدە»، - دەپ مالىمدەدى «نورت كاسپيان وپەرەيتينگ ب. ۆ. » كومپانياسىنىڭ باسپا ءسوز قىزمەتىندە.

ق ر ەنەرگەتيكا مينيسترلىگى بۇرىن ايتىپ وتكەندەي، 2017 -جىلى قاشاعان كەن ورنىنان 4 تەن 8 ميلليون تونناعا دەيىن مۇناي ءوندىرۋ جوسپارلانۋدا. مۇناي ءوندىرۋ «شىڭىنا» جەتكەسىن، الدىدا ونى تاۋلىگىنە 1,5 ميلليون باررەلگە دەيىن شىعارۋ مىندەتى تۇر.