سالدارىنان اۆياكومپانيالار رەيستەردىڭ كەشىكتىرىلۋىنە جانە اۋە كەمەلەرىن جوندەۋگە بايلانىستى قوماقتى شىعىنعا ۇشىراۋدا.
وسى ماسەلەگە بايلانىستى قر يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياتسيا كوميتەتى جەرگىلىكتى اتقارۋشى ورگاندارمەن بىرلەسىپ جەدەل كەڭەس وتكىزدى، دەپ حابارلايدى قازاقپارات كوميتەتتىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، ق ر اۋە كەڭىستىگىن پايدالانۋ جانە اۆياتسيا قىزمەتى تۋرالى» زاڭىنا سايكەس ۇشۋدى ورنيتولوگيالىق قامتاماسىز ەتۋ قازاقستاننىڭ اۆياتسيالىق اكىمشىلىگىنە جۇكتەلگەن. سونىمەن قاتار ق ا ا ۇشۋ قاۋىپسىزدىگىن قامتاماسىز ەتۋ بويىنشا باقىلاۋ مەن قاداعالاۋعا دا جاۋاپتى.
قازاقستاننىڭ اۆياتسيا اكىمشىلىگىنىڭ اقپاراتىنا سۇيەنەر بولساق، بيىل ەلىمىزدىڭ ءبىرقاتار اۋەجايىنىڭ جاۋاپكەرشىلىك ايماعىندا ۇشاقتاردىڭ قۇستارمەن سوقتىعىسۋىنىڭ 46 جاعدايى تىركەلدى. وقىس وقيعالار اسىرەسە الماتى اۋەجايىندا ءجيى بايقالىپ وتىر.
ساراپشىلاردىڭ ايتۋىنشا، قۇستارمەن سوقتىعىسۋ ماۋسىمدىق سيپاتقا يە. قاقتىعىستاردىڭ باسىم بولىگى قۇستاردىڭ كوكتەم جانە كۇزدەگى كوشى-قون كەزىندە جانە جىلدىڭ جىلى ماۋسىمدارىندا كوپتەپ ورىن الادى. جىل سايىن وسى وقيعالار شىلدە نەمەسە تامىز ايلارىندا ءجيى بولادى.
مامانداردىڭ پايىمداۋىنشا، قۇستاردىڭ سوقتىعىسۋىن تولىعىمەن جويۋ مۇمكىن ەمەس. الايدا بۇل قاۋىپتى ەداۋىر ازايتۋعا مۇمكىندىك بار. قازاقستاننىڭ ازاماتتىق اكىمشىلىگى سەرتيفيكاتتىق جانە ينسپەكتسيالىق تەكسەرۋلەر جۇرگىزۋ بارىسىندا اۋەجايلاردى پايدالانۋشىلاردىڭ ۇلتتىق زاڭناما تالاپتارىن ساقتاۋىن تەكسەرەدى. ونىڭ ىشىندە اۋەجايداعى ۇشۋ-قونۋ جولاعى اۋدانىندا پاترۋلدەيدى، پيروتەحنيكالىق قۇرالداردى، گاز اتتىن جانە بيواكۋستيكالىق قۇرىلعىلاردى، لازەرلەردى جانە وزگە دە قۇرالداردى قولدانا وتىرىپ قۇستاردى ۇركىتەدى. سونداي-اق قۇستاردىڭ ۇشۋى تۋرالى اقپاراتتى ديسپەتچەرلەر جەتكىزۋى ءتيىس.
كەڭەس قورىتىندىسى بويىنشا جەرگىلىكتى اتقارۋشى ورگان وكىلدەرى جيىندا كوتەرىلگەن ماسەلەلەردى وڭتايلى ءارى جەدەل شەشۋگە ىقپال ەتەتىندىگىن جەتكىزىپ، بۇل ورايدا اۋەجاي اكىمشىلىگىمەن بىرلەسىپ جۇمىس ىستەۋگە دايار ەكەندىكتەرىن ءبىلدىردى.
«بۇل تۇرعىدا ءتيىستى ءىس-شارالار قولعا الىنىپ، سايكەس جۇمىستار جۇرگىزىلۋدە. وسى رەتتە اۋەجاي ايماعىنداعى زاڭسىز نىسانداردى جويۋعا بيۋجەتتەن ءتيىستى قارجىنىڭ بولىنبەۋى قولبايلاۋ بولىپ وتىر»، - دەيدى الماتى قالاسى اكىمدىگىنىڭ وكىلى.
جيىن قورىتىندىسى بويىنشا قۇستاردىڭ كوپتەپ شوعىرلانۋىنا اسەر ەتەتىن زاڭسىز نىسانداردى جويۋدى جەدەلدەتىپ، وسى ماقساتتاعى قارجىلاندىرۋ كولەمىن ارتتىرۋ ۇسىنىلدى.
بۇل ماسەلە بۇگىندە ۆەدومستۆونىڭ ەرەكشە باقىلاۋىندا.