شەتەلدە جۇرگەن 46 قازاقستاندىق پرەزيدەنتتىڭ كادر رەزەرۆىنە قاتىسىپ جاتىر

نۇر-سۇلتان. قازاقپارات – ق ر مەملەكەتتىك قىزمەت ىستەرى اگەنتتىگىنىڭ ءتورايىمى انار جايىلعانوۆا «پرەزيدەنتتىك جاستار كادر رەزەرۆىنە» ىرىكتەۋ بارىسى تۋرالى ايتىپ بەردى، دەپ حابارلايدى قازاقپارات ءتىلشىسى.

«قازىرگى ۋاقىتتا ىرىكتەۋدىڭ بارلىق راسىمدەرى قاتاڭ تۇردە پرەزيدەنت جارلىعىمەن بەكىتىلگەن رەزەرۆتى قالىپتاستىرۋ قاعيدالارىنا سايكەس وتۋدە. ىرىكتەۋگە قاتىسۋ ءۇشىن باستاپقى تىركەۋدەن 13212 ادام ءوتتى، ونىڭ 7312 ءسى تىركەۋ ءراسىمىن تولىق اياقتادى. ۇمىتكەرلەر ىشىندە شەت ەلدەردە جۇرگەن قازاقستاننىڭ 46 ازاماتى بار. ەلدەن تىس جەردە جۇرگەن ازاماتتار ىشىندە ەڭ ۇلكەن وكىلدىك ا ق ش، رەسەي، ۇلى بريتانيا، تۇركيا ەلدەرىنەن بولىپ وتىر»، - دەدى ا. جايىلعانوۆا ۇكىمەت ۇيىندە وتكەن باسپا ءسوز ءماسليحاتىندا.

اگەنتتىك باسشىسىنىڭ ايتۋىنشا، قازىرگى ۋاقىتتا قاتىسۋشىلاردىڭ قۇجاتتارىن قابىلداۋ، تەستىلەۋ جانە قابىلەتتى تەكسەرۋ سىندى ىرىكتەۋدىڭ باستاپقى 3 كەزەڭى اياقتالدى.

ءتورتىنشى كەزەڭدە ساراپشىلارمەن سۇحبات وتەدى. وعان الدىڭعى كەزەڭدەردە ۇزدىك ناتيجە كورسەتكەن قاتىسۋشىلار جىبەرىلەدى. ودان كەيىن پرەزيدەنت اكىمشىلىگى قۇراتىن كوميسسيا ىرىكتەۋدىڭ الدىڭعى كەزەڭدەرىنەن تابىستى وتكەن ءاربىر ۇمىتكەرمەن جەكە اڭگىمەلەسەدى. سونىڭ قورىتىندىسى بويىنشا ۇلتتىق كوميسسيا ەڭ جوعارى بال جيناعان كانديداتتاردى پرەزيدەنتتىك جاستار رەزەرۆىنە قابىلداۋ تۋرالى شەشىم قابىلدايدى.