قارۋلى قاقتىعىستار كەسىرىنەن بارلىعى 469 بالا قايتىس بولدى
10:17, 22 - تامىز 2014
استانا. قازاقپارات - گازا سەكتورىنداعى قارۋلى قاقتىعىس سالدارىنان بارلىعى 469 بالا قازا تاۋىپ، 3000 ى جارالاندى. بۇل تۋرالى ب ۇ ۇ-نىڭ (يۋنيسەف) بالالار قورىنان حابارلادى.
يۋنيسەف-ءتىڭ اقپاراتى بويىنشا، سوڭعى ەكى تاۋلىكتەگى اتىس-شابىستان كەم دەگەندە 9 بالا مەرت بولدى.
«سوڭعى دەرەكتەر بويىنشا، گازادا 469 بالا كوز جۇمدى، ءبىزدىڭ ماماندار بۇل سان ءالى دە ارتۋى مۇمكىن دەپ الاڭداۋشىلىق تانىتىپ وتىر»، - دەدى يۋنيسەف-ءتىڭ گازاداعى وكىلدىك جەتەكشىسى پەرنيللا ايرونسايد.
ونىڭ ايتۋىنشا، شۇعىل تۇردە 373 مىڭ ادامعا پسيحولوگيالىق كومەك قاجەت. قازىر گازادا يۋنيسەف-ءتىڭ 50 وكىلى قىزمەت ەتۋدە.