«ەل جىلناماسىنداعى بيىلعى جىل ۇلكەن ءىرى وقيعالارمەن ەستە قالدى. بۇل ەڭ الدىمەن ەگەمەن ەلىمىزدىڭ قالىپتاسىپ، دامۋىنا زور ەڭبەك سىڭىرگەن ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ ەل باسقارۋ تىزگىنىن قاسىم- جومارت توقايەۆقا تاپسىرعان ساتىنەن باستاۋ الادى. وسىدان كەيىنگى ەلىمىزدىڭ ساياسي ومىرىندەگى ماڭىزى زور وقيعا پرەزيدەنت سايلاۋى بولدى. بيلىكتىڭ باستى سايلاۋ ناۋقانى اتا زاڭىمىزعا سايكەس جۇزەگە استى. قاسىم- جومارت كەمەل ۇلى حالىق الدىندا انت بەرگەننەن كەيىن مەملەكەت باسشىسى رەتىندە بىردەن بىلەك سىبانا كىرىسىپ كەتتى»، - دەدى ول.
ونىڭ اتاپ وتۋىنشە، مەملەكەت باسشىسى ەلىمىزدىڭ بۇكىل ءوڭىرىن ارالاپ، حالقىمىزدىڭ الەۋمەتتىك- ەكونوميكالىق احۋالىمەن تانىسقان. سونىمەن قاتار باسقا دا كوپتەگەن ماڭىزدى باستامالار قولعا الىنىپ، اۋقىمدى ءىس- شارالار اتقارىلدى.
«جالپى، مەملەكەت باسشىسىنىڭ ناۋرىز ايىنان بەرگى اتقارعان جۇمىسى حالىقتىڭ كوز الدىندا. پرەزيدەنت كوپتەگەن حالىقارالىق كەزدەسۋلەر وتكىزدى. وڭىرلەردى ارالادى. شەتەلدەرگە رەسمي، مەملەكەتتىك ساپارلارمەن بارىپ قايتتى جانە ءبىرقاتار حالىقارالىق جيىندارعا قاتىسۋ ءۇشىن شەتەلدەردە جۇمىس ساپارىمەن بولدى. ماڭىزدى كەلىسىمدەر جۇرگىزدى»، - دەدى بەرىك ءۋالي.
سونىمەن قاتار ول ق ر پرەزيدەنتىنىڭ ەل ىشىندە اتقارعان جۇمىسىنا توقتالدى.
«ەل ىشىندەگى اتقارعان شارۋالارىنا توقتالار بولساق، مەملەكەت باسشىسىنىڭ قاتىسۋىمەن 463 شارا ءوتتى. قاسىم- جومارت كەمەل ۇلى ەلىمىزدىڭ ايماقتارىنا 25 رەت جۇمىس ساپارىمەن باردى. كەيبىر وبلىستارعا ءتىپتى ەكى رەت بارعانىن بىلەسىزدەر. قاسىم- جوارت كەمەل ۇلى ق ر پرەزيدەنتى قىزمەتىنە كىرىسكەن ساتتەن بەرى 239 مەملەكەتتىك ورگاننىڭ باسشىلارىن، پارلامەنت دەپۋتاتتارىن، ساياسي پارتيالار مەن قاۋىمداستىق وكىلدەرىن جانە جەكە تۇلعالاردى قابىلدادى. سونىمەن قاتار مەملەكەت باسشىسى 31 ەلدىڭ باسشىسىمەن تەلەفون ارقىلى سويلەستى»، - دەدى ق ر پرەزيدەنتىنىڭ باسپا ءسوز حاتشىسى.
اۆتور مارلان جيەمباي