استانادان 45 مىڭ تونناعا جۋىق قوقىس شىعارىلدى
جۇمىس جۇيەلى تۇردە ءجۇرىپ جاتىر، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.
كۇن سايىن رۇقسات ەتىلمەگەن پوليگونداردى جويۋ جۇمىسىنا 100 دەن استام ارنايى تەحنيكا جۇمىلدىرىلدى. جىل باسىنان بەرى قالادا 70 تەن استام رۇقسات ەتىلمەگەن پوليگون انىقتالدى. ولاردىڭ بارلىعى دەرلىك جويىلدى.
ءساۋىر ايىنىڭ باسىنان باستاپ بۇگىنگە دەيىن الماتى اۋدانىنان 6800 توننادان استام (963 رەيس) قوقىس شىعارىلدى.
سونداي-اق رۇقسات ەتىلمەگەن قوقىس ورىندارى بويىنشا «قازاقستان عارىش ساپارى» عارىشتىق سۋرەتتەرى ۇسىنىلدى - 9 ۋچاسكە بويىنشا (39 نۇكتە). قازىرگى ۋاقىتتا 32 نۇكتە جويىلدى.
نۇرا اۋدانىندا رۇقسات ەتىلمەگەن پوليگونداردىڭ 21 ورنى انىقتالدى. جاڭا اپپارات قۇرۋدى جانە زاڭ نورمالارىنا سايكەس كونكۋرستىق راسىمدەر وتكىزۋدى ەسكەرە وتىرىپ، ساۋىردەن شىلدەگە دەيىن 8 ورىن جويىلدى. وسى ورىنداردان شامامەن 4350 توننا قۇرىلىس قوقىسى شىعارىلدى.
مۇنداي ستيحيالىق پوليگونداردى بولدىرماۋ ءۇشىن اۋدان اكىمدىگى پوليگوندارعا جاقىن اۋماقتاردا بەينەباقىلاۋ كامەرالارىن ورناتادى.
وسى ۋاقىت ىشىندە بايقوڭىر اۋدانىنان 1500 توننادان استام قوقىس شىعارىلدى.
اۋدان اۋماعىندا 3 زاڭسىز ورىن جويىلدى، ەكەۋى بويىنشا جۇمىس ءجۇرىپ جاتىر.
ەكولوگيالىق ايلىقتى جانە كوممۋنالدىق سەنبىلىكتەردى ەسكەرە وتىرىپ، ەسىل اۋدانىنان 17500 توننادان استام قوقىس شىعارىلدى.
«نۇرلى جول» ۆوكزالىنا قاراي ۇلى دالا داڭعىلىنداعى قوقىستاردى جويۋ جۇمىسى
جۇرگىزىلۋدە - �، «جەتىسۋ» ت ك اۋدانىندا - 0، «زارەچنىي» ت ك اۋدانىندا «باقىت پرەميۋم» ت ك اۋدانىندا - 0، پريگورودنىي ەلدى مەكەنىندە - 0 پىسىقتالدى، قابانباي باتىر داڭعىلى اۋەجايعا قاراي - 0 پىسىقتالدى، «تاليسمان» ت ك اۋدانىندا - 0 پىسىقتالدى.
وسى جىلدىڭ باسىنان باستاپ سارىارقا اۋدانىندا 17 رۇقسات ەتىلمەگەن پوليگون انىقتالدى. ونىڭ ىشىندە مىنا مەكەنجايلار بويىنشا ستيحيالىق ورىندار جويىلدى: بەيبارىس سۇلتان كوشەسى، 11، بەيبارىس سۇلتان كوشەسى، 8، س-308، س-309، «كوكتال» ساياباعىنىڭ ارتىندا، «پوليانا» ساياجاي قوعامى، جەلدىرمە كوشەسى (تىلەنديەۆ، گەفەست زيراتىنىڭ جانىندا)، كەندال كوشەسى، 13، قوسشىعۇل ۇلى كوشەسى، 3/1، «پوليانكا» ساياجاي الابى، اقمايا/القاتەرە تۇيىق كوشەسى، داۋلەتكەرەي كوشەسى، 1 (UrbanCollege اۋماعىنىڭ اينالاسىندا)، اققورعان كوشەسى (قارتتار ءۇيىنىڭ اينالاسىندا)، كونستيتۋتسيا كوشەسى، بولاشاق كوشەسى «بالالارعا ارنالعان تۇزەتۋ مەكتەبى». سونداي-اق جۇمىس س-307 كوشەسىندە جۇرگىزىلىپ جاتىر.
كۇن سايىن ەكولوگيالىق پوليتسيامەن بىرلەسىپ مونيتورينگ جۇرگىزىلەدى.
سونىمەن قاتار، بۇل ماسەلەدە تۇرعىندار، الەۋمەتتىك جەلىلەردەگى سۇرانىستار مەن «عارىش ساپارى» سۋرەتتەرى سەپتىگىن تيگىزەدى. زاڭ بۇزۋشىلار ارنايى ورناتىلعان بەينەباقىلاۋ كامەرالارىنىڭ كومەگىمەن انىقتالادى.