2018-جىلى الەمدە 2 ميلليارد ەر ادام مەن 1,3 ميلليارد ايەل جۇمىس ىستەگەن. بۇل تۋرالى حالىقارالىق ەڭبەك ۇيىمىنىڭ (ح ە ۇ) جاڭا بايانداماسىندا ايتىلدى، دەپ حابارلايدى قازاقپارات ب ۇ ۇ جاڭالىقتارىنا سىلتەمە جاساپ.
بايانداما اۆتورلارى مەملەكەتتەر شارا قولدانباسا، جاعداي ناشارلاۋى مۇمكىن ەكەنىن ەسكەرتەدى. وعان سايكەس، وتكەن جىلى ايەلدەردىڭ E استامى عانا جۇمىس ىستەگەن، ال ەر ادامداردىڭ جۇمىسپەن قامتىلۋ دەڭگەيى q اسقان. سونىمەن قاتار، جاھاندىق ساۋالناماعا قاتىسقان ايەلدەردىڭ p جۇمىس ىستەگىسى كەلەتىنىن ايتقان، ال ەرلەردىڭ f,5 ايەلدەردىڭ بۇل ويىن قولداعان.
«ايەلدەر اقى تولەنەتىن جۇمىس ىستەگىسى كەلەدى، ءبىراق وعان اقى تولەنبەيتىن ءۇي شارۋالارى ءجيى كەدەرگى كەلتىرەدى. قانداي گەندەرلىك كورسەتكىشتەر مەن كەدەرگىلەردى ەسكەرسەك تە، ءبارى وزگەلەرگە قامقورلىق جاساۋ جۇمىسىنا بايلانىستى بولدى. الەۋمەتتىك نورمالار دا ءالى كۇنگە دەيىن ايەلدەرگە «كۇتۋشى»، ەرلەرگە - «تابىسكەر» ءرولىن تاڭادى»، - دەلىنگەن باياندامادا.
حالىقارالىق ەڭبەك ۇيىمىنىڭ (ح ە ۇ) مالىمەتىنە سايكەس، بالاسىز ايەلدەرگە قاراعاندا، انالارعا جۇمىس تابۋ وتە قيىن. ونىڭ ۇستىنە، بالالى ايەلدەرگە از ەڭبەكاقى تولەنەدى. ەرلەر اراسىندا، كەرىسىنشە، بالالارىنىڭ ومىرگە كەلۋى جالاقىسىنىڭ كوپتىگىن بىلدىرەدى.
سونىمەن بىرگە، ح ە ۇ ساراپشىلارى اۋىر جاعدايدا جانە بىلىكتىلىگى تومەن جۇمىستاردى اتقاراتىندار اراسىندا ايەلدەردىڭ ەرلەردەن الدەقايدا باسىم ەكەنىن ايتادى.
الەم بويىنشا باسشىلىق ورىنداردا ايەلدەردىڭ ' عانا وتىر. سوڭعى وتىز جىلدا بۇل كورسەتكىش وزگەرگەن جوق. الايدا، ايەلدەر ەرلەرگە قاراعاندا مانساپتىق ساتىدا تەز كوتەرىلەدى. كوشباسشى ايەلدەردىڭ جاسى لاۋازىمدى ەر ادامداردان شامامەن ءبىر جىلعا تومەن. سونىمەن قاتار، ايەل مەنەدجەرلەر اراسىندا ەر باسشىلارعا قاراعاندا، ماگيسترانتتار، كانديداتتار نەمەسە دوكتورانتتار كوپ.
حالىقارالىق ەڭبەك ۇيىمى الەم ەلدەرىنىڭ ۇكىمەتتەرىن جۇمىس ىستەيتىن ايەلدەردى قولدايتىن ساياساتتى جۇرگىزۋگە شاقىرادى. اتاپ ايتقاندا، قاجەتتى ينفراقۇرىلىمدى جاساۋ جانە ايەلدەردىڭ دەكرەتتىك دەمالىستان كەيىن لايىقتى جۇمىسقا تەزىرەك ورالۋىنا ىقپال ەتۋدى ۇسىنادى.