الايدا ءانشى بۇل جاڭالىعىن كوپكە دەيىن جاريا ەتكەن جوق. تەك سۇراقتىڭ استىنا العان ءتىلشى ساۋالىنا بەرگەن جاۋابىندا جەكە ءومىرىنىڭ قۇپياسىن اشتى.
«ەۋرازيا» ارناسىنىڭ «كەشكى كەزدەسۋ» باعدارلاماسىندا الىمبەكوۆا العاش رەت جارىمەن قالاي تانىسقانىن ايتىپ بەردى.
نەگىزى كۇيەۋ كۇتكەن جوقپىن، قۇداي ءوزى جىبەرەدى عوي دەپ جۇرە بەردىم. ولەڭ ايتىپ جۇرە بەرىپپىن، تۇرمىسقا شىعۋ تۋرالى وي كوكەيىمدە بولماعان. وسى سوڭعى 2-3 جىلدا كۇتە باستادىم. سويتسەم كەلەتىن ءتۇرى جوق. سوسىن مۇمكىن مەن سۇراماي جاتقان شىعارمىن دەپ قۇدايدان تىلەدىم، 2-3 جىلدان كەيىن كەلدى»، - دەپ باستادى اڭگىمەسىن گاۋحار.
بۇدان كەيىن الىمبەكوۆا ۇزاق ۋاقىت بويى كۇتكەن جارىمەن قالاي تانىسىپ، تابىسقانىن ايتىپ بەردى.
«تانىستىق، كەزدەستىك، سويلەستىك. قازاقتىڭ قىزدارى ۇقساپ بارىنشا يبالى، يناباتتى بولۋعا تىرىسامىن دەپ ويلايمىن دا، ءوز-ءوزىمدى ۇستاي الماي قالامىن. ادەتىم بار، سويلەپ وتىرامىن بىرەۋگە ءتيىسىپ، قالجىڭداپ. سويلەپ وتىرسام، ول دا مەنىڭ قالجىڭىما جاۋاپ قايتارىپ وتىردى. ءبىر كورگەننەن عاشىق بولۋ دەگەنگە سەنبەيتىن ەدىم، ءبىراق ءوزىم ءبىر كورگەننەن ۇناتتىم. جاقسى كورىپ قالدىم دەپ ويلاعان جوقپىن. ءبىراز كۇن ءوتتى، سويلەسىپ تۇردىق. كەيىن ول زۆونداسا قۋاناتىن بولدىم. ونىڭ دا مەنىڭ ۇناتاتىنىن سەزدىم. ءبىراق ءسوز ايتاتىن ءتۇرى جوق، سوندىقتان ءوزىم ايتقىزعانداي بولدىم»، - دەيدى ءانشى.
46 جاستاعى الىمبەكوۆانىڭ جارى وزىمەن جاستى. ءبىر قىزىعى، گاۋحار جارىنىڭ بۇرىن ۇيلەنگەن نە ۇيلەنبەگەنىن بىلمەيتىن بولىپ شىقتى.
«ول تۋرالى سۇراماپپىن. ۇيلەنگەن بولسا دا، ماعان ءبارىبىر»، - دەيدى گاۋحار الىمبەكوۆا.