اتا-ءجونى بەلگىسىز ازامات ءبىرشاما ۋاقىتتان بەرى فرانسيانىڭ وڭتۇستىگىندەگى ءوزى تۇرىپ جاتقان قالادا تۇراتىن كوڭىلدەسىنە تۇراقتى تۇردە بارىپ جۇرگەن جانە ول ءۇشىن قانداي دا ءبىر كەدەرگىلەردى دە كەزدەستىرمەگەن.
ەگەر ول ايەلىنىڭ ۇيالى تەلەفونىنان تاكسي شاقىرماعاندا وقيعا وسىلايشا ءوربي بەرۋى دە مۇمكىن ەدى. ول ءوزىنىڭ اككاۋنتىنداعى سىلتەمەنى اشىپ، تاكسي شاقىرعان سوڭ ول جەردەن شىعىپ كەتكەن. الايدا تاكسي قىزمەتىنىڭ باگى كۇيەۋىنىڭ قايدا جۇرگەنى تۋرالى حابارلامانى كەلىنشەگىنىڭ ۇيالى تەلەفونىنا قايتا-قايتا جىبەرە بەرگەن.
سودان بەرى وتباسىلى ەكەۋ ءبىر-بىرىمەن اجىراسىپ، بولەك تۇرادى. الايدا، كۇيەۋى ءوزى تاپ بولعان باقىتسىزدىققا تاكسي كومپانياسىنىڭ قىزمەتىن كىنالاپ، ۇيىمدى سوتقا بەردى جانە ءوزىن وسىنداي جاعدايعا جەتكىزگەنى ءۇشىن ۇيىم وكىلدەرىنەن 45 ميلليون ەۋرو تالاپ ەتتى.
«مەنىڭ كليەنتىم سىلتەمەدەگى باگتىڭ قۇربانىنا اينالدى»، - دەپ مالىمدەدى كاسىپكەردىڭ ادۆوكاتى داۆيد-اندرە دارمون فرانس پرەسس اگەنتتىگىنىڭ تىلشىسىنە بەرگەن سۇحباتىندا. «وسىنداي كەمشىلىكتىڭ سالدارىنان بىرەۋدىڭ تاعدىرى تالكەككە ۇشىرادى»، - دەدى دارمون. ول Figaro باسىلىمى جاريالاعان ايىپپۇل قۇنىن راستاعان جوق.
Figaro باسىلىمىنىڭ جازۋىنشا، فرانسيا ازاماتىنىڭ ايەلىنەن اجىراۋىنا سەبەپ بولعان باگتى كومپانيا وكىلدەرى جويعان.