اتقان - لي حارۆي وسۆالد. ارادا ەكى كۇن وتكەن سوڭ پوليتسيا بولىمىندە لي حارۆي وسۆالد كەنەتتەن قازا تاپتى. سودان بولار، كەننەديدى نە ءۇشىن اتقانى بەلگىسىز بولىپ قالدى. پرەزيدەنتتى ولتىرۋگە كىم تاپسىرىس بەردى؟ ءبارى بۇگىنگە دەيىن جۇمباق .
ارينە، الەمگە ءامىر جۇرگىزۋگە ۇمتىلعان ا ق ش- تاي الىپ ەلدىڭ ۇلكەن مۇددەسىنىڭ جانىندا جەكە ادامنىڭ (پرەزيدەنت بولسا دا) ءومىرى نە ءتايىرى. ادام جالدادى. اتقىزدى. سوسىن اتۋشىنىڭ دا كوزىن جويدى. ءىس سونىمەن بىتكەن. ال كەشە عانا سايلاۋدا اتى وزا شاۋىپ ا ق ش- تىڭ 45- پرەزيدەنتى بولعان دونالد ترامپتىڭ دا ءومىرىن سونداي قايعىلى جاعداي كۇتىپ تۇر دەيتىندەر كوپ.
ءبارى مۇمكىن. نەگە؟ ەڭ باستىسى، وزدەرى ۇكىلەپ سايلاۋعا قوسقان رەسپۋبليكاشىلار ترامپتى ۇناتا بەرمەيدى. «ول شەڭبەرگە سىيمايتىن، ايتقانعا كونبەيتىن، يلىكپەيتىن جان. ونداي اپەرباقانداۋ اداممەن بىرگە جۇمىس ىستەۋ مۇمكىن بە؟» دەسەدى ولار.
ال دەموكراتتار ترامپتى ءاۋ باستان ۇناتپايتىنى بەلگىلى. دەمەك دونالد ترامپ پرەزيدەنتتىك تاقتا ۇزاق وتىرا الماۋى دا مۇمكىن. ياعني، وعان قارسى يميجمەنت جاريالاۋى ىقتيمال. ەكىنشى ءبىر ماسەلە، كەننەديدىڭ جاعدايى. دونالد ترامپ سايلاۋالدى ۇگىت - ناسيحات كەزىندە ن ا ت و-عا قارسى ەكەنىن، «اسكەري بلوك ەسكىرگەن» دەگەن دە پىكىر ايتتى.
«ونىڭ مۇشەلەرى قاجەت بولسا، ۇيىمنىڭ جارناسىن تولەۋدى ارتتىرۋ كەرەك» دەپ تە ءدوڭ، ايبات كورسەتتى. سونداي-اق باراك وبامانىڭ كەزىندە جۇزەگە اسا باستاعان ترانس تىنىق مۇحيتتىق ارىپتەستىك جانە ترانس اتالانتتىق ساۋدا جانە ينۆەستيتسيالىق ارىپتەستىگىن قۇرۋ جونىندەگى ستراتەگيالىق باعدارلاماعا قارسىلىق تانىتتى. ساراپشىلار «بۇل ترامپتىڭ ەڭ ۇلكەن قاتەلىگى» دەسەدى. ويتكەنى بۇل ەكى جوبادا ا ق ش- تىڭ الەمدىك ەكونوميكانى ءبىر قولعا جيناستىرۋعا ارنالعان باستى باعدارلاماسى.
مۇندا ا ق ش- تىڭ ۇلكەن مۇددەسى جاتىر. ال وعان ترامپ قارسى. مەملەكەتتىك مۇددەگە قارسى بولعان پرەزيدەنتتىڭ جولى ەشقاشان بولعان ەمەس. دەمەك ترامپتى كەنەدەيدىڭ باسىنداعى تراگەديا كۇتىپ تۇر» دەسەدى. الەم ءامىرشىسى بولۋدى باستى ماقسات ەتكەن ا ق ش ەليتاسى، وعان قارسى كەلگەن ادامدى اياماۋى مۇمكىن. ءبىز تەك ساراپشىلاردىڭ بولجامىن عانا كەلتىردىك.
«ايقىن»