تالدىقورعان تۇرعىنى 456 رەت جول ءتارتىبىن بۇزىپ، رەكورد ورناتتى
16:38, 07 - قازان 2015
استانا. قازاقپارات - قىرعىزستان مەمەلەكەتتىك نومىرىمەن تىركەلگەن Honda Odyssey كولىگىنىڭ قوجايىنى 7,3 ميلليون تەڭگەگە جول ءتارتىبىن بۇزىپ ۇلگەردى.
بۇل تۋرالى 24.kz-كە سىلتەمە جاساپ NUR. KZ حابارلايدى.
تالدىقورعان تۇرعىنى پوليتسيانىڭ جۇرگىزگەن رەيدىنىڭ بارىسىندا قولعا ءتۇستى.
بەلگىلى بولعانداي، ءبىر عانا وبلىستىق ورتالىقتا جۇرگىزۋشى 456 رەت جول ءجۇرۋ ەرەجەسىن بۇزعان. قۇرىقتالعان ازاماتتىڭ بارلىق ءتارتىپ بۇزۋشىلىقتارى قالا قيىلىستارىندا ورناتىلعان اۆتوماتتى تىركەۋ جۇيەلەرىنە جازىلىپ قالعان.
قازىرگى ۋاقىتتا جۇرگىزۋشىگە جول ەرەجەسىن بۇزعانى ءۇشىن مىندەتتەلگەن ايىپپۇلدىڭ جالپى سوماسى 7300000 تەڭگەنى قۇرايدى. تۇرعىننىڭ كولىگى قارىز تولىقتاي تولەنگەنگە دەيىن ايىپ تۇراعىنا ورنالاستىرىلدى.
پولتسيەيلەردىڭ ايتۋىنشا، ايىپپۇلدى تولەۋدەن باس تارتقان جاعدايدا، جۇرگىزۋشىنىڭ ءىسى سوت ورگاندارىنا جىبەرىلەتىن بولادى.
دەرەككوز: NUR. KZ