ءوز قاراماعىمداعى ادامدارعا 450 مىڭ تەڭگەدەن تولەيتىن ەدىم - ۆيتسە- مينيستر بايمولدينا
دەپ حابارلايدى قازاقپارات ءتىلشىسى.
«بىزدە قيت ەتسە، ءبارىن باستىققا جابا سالادى. ءبىر نارسە ىستەلمەي قالسا، باسشىلاردى جازاعا تارتادى. الايدا بەلگىلى ءبىر تاپسىرمانىڭ ورىندالۋى جەتەكشىگە ەمەس، سول تاپسىرمانى ورىندايتىن، ياعني ناقتى ءبىر قۇجاتپەن اينالىساتىن قىزمەتكەردىڭ جۇمىسىنا بايلانىستى. سول سەبەپتى ەۋروپانىڭ مەملەكەتتىك ورگاندارىندا «ساراپشى» - ول وتە جاۋاپتى قىزمەت. «ساراپشى» دەگەن تەرميننىڭ ءوزى ايتىپ تۇرعانداي، ادام ءتيىستى شەشىمدى ءوزى قابىلداپ، سول ءۇشىن جاۋاپ بەرەدى. ال ءبىرىنشى باسشى مەملەكەتتىك ورگاننىڭ ستراتەگيالىق ماسەلەلەرىمەن اينالىسۋى قاجەت. ءبىز دە ەۋروپا مەملەكەتتەرىنىڭ تاجىريبەسىنە بىرتە- بىرتە كەلەمىز دەپ ويلايمىن. وسى سالاداعى ءبىزدىڭ دە كوزقاراسىمىز وزگەرەدى دەگەن سەنىم بار»، - دەدى بايمولدينا بۇگىنگى باسپا ءسوز ءماسليحاتىندا.
ال «مەملەكەتتىك ورگانداردا جۇمىس ىستەيتىن ساراپشى مامانداردىڭ قازىرگى جالاقىسى ءسىز ايتىپ وتىرعان جاۋكەرشىلىكپەن سايكەسپەيدى عوي. وسىنى قالاي شەشۋگە بولادى؟» دەگەن سۇراققا ۆيتسە- مينيستر: «پرەزيدەنت تە ايتىپ وتىر عوي، مەملەكەتتىك قىزمەتكەرلەردىڭ جالاقىلارىن كوتەرىپ، ولاردىڭ ەڭبەكاقىلارى كاسىپكەرلەردەن كەم بولماۋى قاجەت. وعان دا جەتەمىز. مىندەتتى تۇردە بولادى. سەبەبى قازىرگى كەزدە مەملەكەتتىك قىزمەت تۋرالى جاڭا زاڭدى قابىلدادىق. ەندى، اتالعان قۇجاتتى ىسكە اسىرۋعا قاجەتتى نورماتيۆتىك اكتىلەر قابىلدانادى. مەن ويلايمىن، وسى جىلدىڭ ىشىندە مەملەكەتتىك قىزمەتكەردىڭ كاسىبي بىلىكتىلىگىنە، قارىم- قابىلەتىنە قاراي جالاقى مولشەرىن بەلگىلەۋ جۇيەسى انىقتالادى. ءسوز جوق، قىسقارتۋلار دا بولادى. الايدا سونىڭ ەسەسىنە باسقا قىزمەتكەرلەردىڭ جالاقىسى كوتەرىلەدى. ماسەلەن، مەن ءوز دەپارتامەنتىمدە ىستەيتىن ساراپشىنىڭ 450 مىڭ تەڭگە العانىن قالايمىن. سەبەبى ول كوپتەگەن نورماتيۆتىك- قۇقىقتىق اكتىلەرگە ساراپتاما جاسايدى. ول ءۇشىن مىقتى ءبىلىم كەرەك. قازىر جاڭادان كەلگەن ساراپشى 70-80-اق مىڭ تەڭگە الىپ ءجۇر»، - دەپ جاۋاپ بەردى.
اۆتور: ارمان اسقاروۆ