ونىڭ ماقساتى - كوشەلەر مەن قوعامدىق ورىنداردا كريمينوگەندىك جاعدايدى تۇراقتاندىرۋ. ءتارتىپ ساقشىلارى ەسىرتكىلىك زاتتاردى جەتكىزۋ، ساتۋ ارنالارىن انىقتاۋ جانە جول بەرىلمەۋىنە ەرەكشە كوڭىل بولەدى.
كوشى-قون پوليتسياسىنىڭ قىزمەتكەرلەرى ەلوردادا زاڭسىز تۇرىپ جاتقان شەتەلدىك ازاماتتاردى تەكسەرەدى.
بۇل تۋرالى قازاقپارات نۇر-سۇلتان قالاسىنىڭ پوليتسيا دەپارتامەنتىنە سىلتەمە جاساپ حابارلايدى.
جەدەل الدىن الۋ شاراسىنىڭ ءۇش كۇنىندە 59 قىلمىس تىركەلگەن، سونىڭ ىشىندە 44 ءى اشىلدى، سونداي-اق بۇرىن جاسالعان 31 قىلمىس تا اشىلدى. ىزدەۋدە بولعان 4 قىلمىسكەر ۇستالدى.
تىيىم سالىنعان زاتتاردى زاڭسىز ساقتاعانى نەمەسە الىپ جۇرگەنى ءۇشىن 17 ادام ۇستالدى. سونىڭ ىشىندە 10 ادام ەسىرتكىنى زاڭسىز ساقتاپ جۇرگەنى ءۇشىن ۇستالعان.
وسىلايشا، پوليتسيا قىزمەتكرەلەرى «Nissan Tiana» ماركالى اۆتوكولىكتىڭ 36 جاستاعى جۇرگىزۋشىسىن توقتاتتى. كولىك سالونىنان سالماعى 994 گرام ناشا ەسىرتكى انىقتالدى. بۇدان باسقا، جەكە تەكسەرۋ كەزىندە ەر ادامنان سالماعى 20 گرامعا جۋىق ماريحۋانا انىقتالعان.
اسا ءىرى كولەمدەگى ەسىرتكىنى زاڭسىز ساقتاپ جۇرگەن كۇدىكتىگە قاتىستى قىلمىستىق ءىس قوزعالدى. پوليتسيادا اتالعان قىلمىس ءۇشىن ءۇش جىلدان جەتى جىلعا دەيىن باس بوستاندىعىنان ايىرۋ جازاسى قارالعانىن اتاپ ءوتتى.
شارا باستالعالى 4 مىڭعا جۋىق اكىمشىلىك قۇقىقبۇزۋشىلىق انىقتالعان، سونىڭ شىندە ۇساق بۇزاقىلىق جاساۋدىڭ 359 فاكتىسى، تىنىشتىق بۇزۋدىڭ 500 گە جۋىق فاكتىسى، قوعامدىق ورىنداردا الكگولدىك ىشىمدىكتەردى ءىشۋ نەمەسە ماس كۇيىندە ءجۇرۋدىڭ 960 فاكتىسى بار.
تىركەۋسىز تۇرىپ جاتقان 1,5 مىڭنان استام ادام انىقتالدى. كولىكتى ماس كۇيىندە جۇرگىزگەن 44 جۇرگىزۋشى ۇستالدى. ۋچاسكەلىك ينسپەكتورلار ءۇش كۇن ىشىندە يەسىز قالعان 100 دەن استام ءۇي مەن 2 مىڭداي ساياجاي قۇرىلىسىن ارالاپ شىقتى.