قازا تاپقانداردىڭ اراسىندا 12 ءورت ءسوندىرۋشى بولعان.
اۋرۋحانادا 250 ادام جاتىر، بۇل رەتتە 66 ناۋقاستىڭ جاعدايى وتە اۋىر دەپ باعالانۋدا. بۇعان دەيىن دارىگەرلەر ەمحانالارعا جەتكىزىلگەندەردىڭ شىنى جانە تاس سىنىقتارىمەن جاراقاتتانعانىن حابارلاعان.
12 -تامىزدىڭ كەشىندە تيانجين قالاسىنداعى تەز جاناتىن زاتتار قويماسىندا جارىلىس بولعان. كۋاگەرلەردىڭ حابارلاۋىنشا، جارىلىس تولقىنى بىرنەشە شاقىرىم جەردە سەزىلگەن. شامامەن جارتى مينۋتتان كەيىن ەكىنشى جارىلىس بولدى. بۇدان كەيىن بۇدان از قۋاتتىلىقتاعى جارىلىستار ەستىلدى، شامالانىپ وتىرعانداي، كەمەجايداعى دەتوناتسيالانعان وق-دارىلەر جارىلعان.
سول اۋداندا ورنالاسقان عيماراتتاردىڭ شىنىلارى سىنعان، جارىلىس ورنىنا جاقىن تۇرعان ۇيلەر قيرادى.
جارىلىستىڭ سەبەبى رەسمي تۇردە ايتىلعان جوق، الايدا China Central Television (CCTV) تەلەارناسى قالالىق كەمەجايدىڭ جۇك تەرمينالىنداعى جارىلعىش زاتتار مەن جانار- جاعارماي تسيستەرنالارىنىڭ پارتياسى جارىلعانىن حابارلاپ وتىر.