قازاقستاندا سۋ باسۋ قاۋپى بار 445 جول ۋچاسكەسى بار
بيىل رەسپۋبليكالىق شتاب ورال قالاسىندا ورنالاسىپ، وقۋ-جاتتىعۋ ق ر توتەنشە جاعدايلار ۆيتسە-ءمينيسترى مارات كۇلدىكوۆتىڭ باسشىلىعىمەن ءوتتى.
ق ر ت ج م باسپا ءسوز قىزمەتىنەن ءمالىم ەتكەنىندەي، كوكتەمگى سۋ تاسقىنى كەزىندە جەدەل قيمىلداۋ ءۇشىن 10 مىڭ ادام مەن 1700 تەحنيكادان تۇراتىن ازاماتتىق قورعاۋ ورگاندارىنىڭ ارنايى توپتارى قۇرىلدى.
وقۋ-جاتتىعۋ بولعان 3-4- ناۋرىز كۇندەرى رەسپۋبليكا بويىنشا ەلدى مەكەندەردەن 1,5 ميلليون تەكشە مەتردەن استام قار شىعارىلدى. قازىرگى ۋاقىتتا قار شىعارۋ جۇمىستارى جالعاسۋدا. حالىقتىڭ الەۋمەتتىك وسال توپتارىنا جاتاتىن 1 مىڭنان استام وتباسىنا ءۇي ماڭىن قاردان جانە شاتىرلاردى مۇزدان تازارتۋ باعىتىندا كومەك كورسەتىلدى. سونداي-اق كوكتەمگى سۋ تاسقىنىنا دايىندىق اياسىندا 9 مىڭنان استام ارىقتار مەن كانالدار، 10 مىڭنان استام سۋ وتكىزەتىن قۇرىلىمدار تازارتىلدى.
ۇزىندىعى 43 مىڭ مەتر بوگەندەر جوندەلىپ، 39 مىڭ مەتر قاشىقتىقتا جاعالاۋدى بەكىتۋ جۇمىستارى اتقارىلدى. 25,5 مىڭ توننا كولەمىندە جانار-جاعار ماي قورى، 300 مىڭ توننادان استام ينەرتتى ماتەريالدار، 900 مىڭ دانادان استام قاپ ازىرلەندى. تاسقىن كەزىندە ەۆاكۋاتسيالانۋى مۇمكىن تۇرعىنداردى قابىلدايتىن 3 مىڭنان استام پۋنكت انىقتالدى.
«بۇدان باسقا وڭىرلەردە سۋ تاسقىنى كۇردەلەنگەن جاعدايدا اتىراۋ، قاراعاندى، جامبىل، ماڭعىستاۋ وبلىستارى مەن نۇر-سۇلتان، الماتى، شىمكەنت قالالارىنان، رەسپۋبليكالىق جەدەل قۇتقارۋ جاساعى جانە ت ج م اسكەري بولىمدەرىنەن ارنايى كۇش-قۇرالدار، سونداي-اق «قازاۆياقۇتقارۋ» ا ق اۋە كەمەلەرى جەدەل جىبەرىلەتىن بولادى.
ومىرلىك ماڭىزى زور نىسانداردا اپاتتى جاعداي تۋىنداعان كەزدە ەلەكتر جارىعىمەن قامتي الاتىن 600 دەن استام اۆتونومدى قۋات كوزى ازىرلەندى. وتىن قويمالارىندا 2 ميلليوننان استام توننا كومىر، 115 مىڭداي توننا مازۋت بار. ينەرتتى ماتەريالى بار 30 مىڭنان استام قاپ دايىندالدى. مەتەورولوگيالىق باقىلاۋ جۇرگىزۋگە 341 مەتەوسانتسيا ساقاداي ساي. 50 مىڭ توننادان استام ينەرتتى ماتەريالدار مەن 3 مىڭ توننا جانار-جاعار مايدىڭ اپاتتىق قورى جاسالدى.
رەسپۋبليكالىق ماڭىزى بار اۆتوجولداردا ۇزىندىعى 261 ك م بولاتىن 445 سۋ باسۋ قاۋپى بار ۋچاسكە انىقتالدى. سول سەكىلدى سۋ باسۋى مۇمكىن 673 تەمىر جول ۋچاسكەسى بەلگىلى بولدى.
ساناۆياتسيا جەلىسى بويىنشا 33 اۋە كەمەسى ءازىر تۇر. وقۋ-جاتتىعۋدىڭ قورىتىندىسى بويىنشا جەرگىلىكتى اتقارۋشى ورگاندارعا ەلدى مەكەندەردى، اۆتوموبيل جانە تەمىر جولداردى، ومىرلىك ماڭىزى زور نىسانداردى تاسقىن سۋدان قورعاۋ باعىتىندا قاجەتتى شارالاردى قابىلداۋ ۇسىنىلدى»، - دەپ حابارلادى ۆەدومستۆودان.
ەسكە سالا كەتەيىك، بۇدان بۇرىن باتىس قازاقستاندا 49 ەلدى مەكەندى سۋ باسۋ قاۋپى بار ەكەندىگىن جازعان بولاتىنبىز.