قازاقستاننان 440 ميلليارد تەڭگە سىرتقا زاڭسىز شىعارىلىپ كەتكەن
21:36, 13 - شىلدە 2022
نۇر-سۇلتان. قازاقپارات - قازاقستاندا 50 دەن استام ادام 440 ميلليارد تەڭگەنى ەلدەن زاڭسىز شىعارۋعا قاتىستى كۇدىككە ىلىگىپ، قىلمىستىق ءىس قوزعالدى.
ودان وزگە تاعى 271 ميلليارد تەڭگەنى اۋدارۋ بويىنشا بانك وپەراتسيالارى تەكسەرىلىپ جاتىر.
ەل ۇكىمەتىنىڭ باسپا ءسوز قىزمەتى شەتەلگە زاڭسىز شىعارىلعان قارجىنى قايتارۋ جونىندەگى جۇمىستاردىڭ ناتيجەسىن جاريالادى.
بۇل ىسپەن ەلىمىزدە اقپان ايىنان بەرى ارنايى كوميسسيا اينالىسۋدا.
كەيىنگى 3 جىلدا ەلدەن شىعارىلعان قارجى جونىندە اقپارات جينالدى. بىرنەشە سالىق تەكسەرۋى جۇرگىزىلدى.
بۇل مالىمەتتىڭ بارلىعى قارجى مونيتورينگى اگەنتتىگىنە بەرىلدى.
24.kz