قازاقستاندا 43 گرادۋس ىستىق بولادى - سينوپتيكتەر
12:59, 10 - شىلدە 2019
نۇر-سۇلتان. قازاقپارات - سينوپتيكتەر 11-13- شىلدە كۇندەرى قازاقستاندا قانداي اۋا رايى بولاتىنىنا بولجام جاسادى، دەپ حابارلايدى قازاقپارات قازگيدرومەتكە سىلتەمە جاساپ.
«شىلدەنىڭ ورتاسىنا قاراي جازدىڭ ەڭ ىستىق كەزەڭى باستالادى. الداعى ءۇش كۇندە كۇن رايى جاۋىن-شاشىنسىز بولادى. كۇندىز سىناپ باعانى 30-38 گرادۋس، كەي جەرلەردە ءتىپتى 40-43 گرادۋستى كورسەتەدى. بۇل كوپ جىلدىق ورتاشا ماننەن جوعارى»، - دەلىنگەن حابارلامادا.
سينوپتيكتەردىڭ ايتۋىنشا، تەك باتىس وڭىرلەردە عانا جاڭبىر سەبەلەپ ءوتۋى مۇمكىن، سوندا دا باسقا وڭىرلەردەگى سياقتى كۇن قاتتى ىسيدى.