ەسىمىنىڭ جاسىرىن قالۋىن وتىنگەن ازاماتتىڭ قوڭىراۋى ەكونوميكا جانە قارجى سالاسىنداعى قىلمىس (EFCC) فەدەرالدى ۇيىمىنىڭ قىزىعۋشىلىعىن تۋدىرعان.
ەر ادام تەلەفون ارقىلى، لاگوس قالاسىنداعى وسبورن- تاۋەرس اۋدانىنداعى پاتەرلەردىڭ بىرىندە ادامداردىڭ كۇدىك تۋدىراتىن ارەكەتىن بايقاپ جۇرگەنىن مالىمدەگەن. ءبىراق، اتالعان ۇيدە ەشكىم تۇرمايدى دەپ حابارلايدى CTVnews.
ونىڭ سوزىنشە، عيماراتقا سومكە تولى زاتتار كوتەرگەن ادامدار كۇن سايىن كەلىپ تۇرعان. كەشەندى تۇرعىن- ءۇيدىڭ كۇزەتشىسىنە ولار كيىم تاسىپ ءجۇرمىز دەگەن. پاتەردە رەسمي ەشكىم تۇرمايتىن، تەك كەيدە كيىمدەرى جىرتىلعان، ءتۇرى شارشاڭقى ايەل كەلىپ تۇراتىن دەگەن ول.
كۇش قۇرىلىمدارى تىنتۋگە كەرەك وردەردى العان سوڭ، ءتورت بولمەلى پاتەردىڭ ەسىگىن بۇزىپ كىرىپ، تەمىردەن جاسالعان، ءىشى دوللارعا تولى شكافتى تاپقان.
ولجانى ساناعان قۇقىق قىزمەتكەرلەرى 43 ميلليون ا ق ش دوللارىن تىركەدى.
ەندى سوت بۇل اقشانىڭ زاڭسىز ەكەنىن دالەلدەسە، اقپارات بەرگەن ادام ەكى ميلليون دوللار يەلەنە الادى. قازىر تەرگەۋ امالدارى جۇرگىزىلىپ جاتىر.
NUR. KZ