ەلۋ ءتورت جاستاعى ازامات تۋرنيكتە 4321 رەت تارتىلىپ، رەكورد ورناتتى - كەسكىن
15:49, 14 - ناۋرىز 2015
استانا. قازاقپارات - 54 جاستاعى ا ق ش ازاماتى مارك دجوردان (Mark Jordan) تاۋلىك ىشىندە تۋرنيكتە 4321 رەت تارتىلىپ، جاڭا الەم رەكوردىن ورناتتى، دەپ حابارلايدى Bnews.kz.
مارك دجوردان رەكوردتى وتكەن جىلدىڭ 4- قاراشاسىندا ورناتقانىمەن گيننەس رەكوردتار كىتابىنا تەك 11- ناۋرىزدا تىركەلىپتى. امەريكالىق بۇل ىسىمەن دايىندالۋعا 1 جىل ۋاقىت كەتكەنىن جانە سپورتپەن كەز كەلگەن جاستا شۇعىلدانۋعا بولاتىنىن دالەلدەگەن.
مۇنىڭ الدىنداعى رەكورد 4210 رەت تارتىلعان اتلەتكە تيەسىلى. ۆاشينگتون تۇرعىنى مايك ماككاستەل (Mike McCastle) وتكەن جىلى بۇل رەكوردتى جاڭارتۋعا تالپىنعانىمەن 800 گە كەم تارتىلعان. 27 جاستاعى جىگىت 3400 رەت تارتىلعان سوڭ بۇلشىق ەتى ءۇزىلىپ، كاپيلليار تامىرلارى جارىلىپ كەتكەن. سپورتشى دەرەۋ اۋرۋحاناعا جەتكىزىلگەن. ول اۋرۋحانادان ەمدەلىپ شىققاننان كەيىن تاعى ءبىر رەت تالپىنىپ، رەكوردتى جاڭارتاتىنىن مالىمدەگەن.