ونىڭ ىشىندە 25 مىڭ جۇكتى ايەل بار، دەپ حابارلايدى قازاقپارات ءتىلشىسى.
ق ر- دا COVID-19 ۆيرۋسىنا قاتىستى ەنگىزىلگەن كارانتينگە بايلانىستى اعىمداعى جىلدىڭ 22 -ناۋرىزىنان باستاپ پروفيلاكتيكالىق ەگۋلەر توقتاتىلىپ، 11-مامىردا قايتا باستالدى. ۇلتتىق ەگۋ كۇنتىزبەسىنە سايكەس، تۇرعىنداردى ەمحانانىڭ ۋچاسكەلىك مەدبيكەسى ەگۋگە شاقىرادى. ءبىرىنشى كەزەكتە، جوسپارلى ەكپەنى الماعان 1 جاسقا دەيىنگى بالالار قامتىلادى. ۆاكسيناتسيا بارلىق مىندەتتى سانيتارلىق شارالاردى ساقتاي وتىرىپ جۇرگىزىلەدى. سونىمەن قاتار، پرەپاراتتى ەنگىزەر الدىندا دارىگەرلەر امپۋلانىڭ جارامدىلىق مەرزىمىن، تۇتاستىعىن تەكسەرۋگە مىندەتتى.
«يممۋنداۋ جۇمىستارى كۇنتىزبەگە سايكەس جالعاسۋدا. ەمحاناعا تەك الدىن الا جازىلۋ ارقىلى بارۋ كەرەك. كەلەتىن پاتسيەنت جايلى مەديتسينالىق مەكەمە قىزمەتكەرلەرىن الدىن الا حاباردار ەتەدى. ۆاكسيناتسيا تەك ادامنىڭ ساۋ فونىندا جۇرگىزىلەدى. 30 مينۋت ىشىندە مەديتسينا قىزمەتكەرلەرى بالانىڭ نەمەسە ەرەسەك ادامنىڭ جاعدايىن مۇقيات باقىلاۋى كەرەك. COVID-19 ۆيرۋسىمەن اۋىرىپ جازىلعان جانە ولارمەن بايلانىستا بولعان ءبىراق، كلينيكالىق بەلگىلەرى جوق ادامدار ادەتتەگىدەي ۆاكسيناتسيالانۋى مۇمكىن»، - دەپ اتاپ ءوتتى الماتى قالاسى №4-ەمحانانىڭ باس دارىگەرى زۋحرا ۋماروۆا.
قازاقستاننىڭ ۇلتتىق ەگۋ كۇنتىزبەسىندە 21 ينفەكسيانىڭ الدىن الۋ جانە تارالۋ مۇمكىندىگى قاراستىرىلعان. ولار تەگىن بەرىلەدى. ينفەكسيالىق جانە پارازيتتىك اۋرۋلارعا قارسى جوسپارلى ەگۋگە تومەندەگى توپتار جاتادى:
- پروفيلاكتيكالىق ەگۋلەردى جۇرگىزۋدىڭ بەلگىلەنگەن مەرزىمدەرىنە سايكەس جاسى كەلگەن ادامدار؛
- جۇقپالى اۋرۋلاردىڭ (كوكتەمگى- جازعى كەنە ەنتسەفاليتى) تابيعي وشاقتارىندا تۇراتىن جانە جۇمىس ىستەيتىن حالىق؛
- ءوزىنىڭ كاسىبي قىزمەتى بويىنشا قاۋىپتى توپقا جاتاتىن تۇلعالار: مەديتسينا قىزمەتكەرلەرى («ۆ» ۆيرۋس گەپاتيتى، تۇماۋ)؛ كارىز جانە تازارتۋ قۇرىلىستارىنىڭ قىزمەتكەرلەرى (ءىش سۇزەگى) ؛ - ءوز دەنساۋلىعى بويىنشا قاۋىپتى توپقا جاتاتىن تۇلعالار:
- قان قۇيۋ پروتسەدۋراسىنان وتكەندەر («ۆ» ۆيرۋس گەپاتيتى)؛
- مەديتسينالىق ۇيىمدا ديسپانسەرلىك ەسەپتە تۇرعان بالالار (تۇماۋ)؛
- بالالار ءۇيىنىڭ، سابيلەر ءۇيىنىڭ بالالارى، قارتتار ءۇيىنىڭ كونتينگەنتى (تۇماۋ)؛
- كەز كەلگەن جانۋار تىستەگەن، سىلەكەيلەنگەن ادامدار (قۇتىرۋ)؛
- جاراقات الىپ، تەرى جانە شىرىشتى قاباتتارى بۇزىلعان، جارالانعان ادامدار (سىرەسپە)؛
- ينفەكسيالىق سىرقاتتانۋشىلىق دەڭگەيى جوعارى وڭىرلەردە تۇراتىن ادامدارعا ەپيدەميولوگيالىق كورسەتكىشتەر («ا» ۆيرۋستى گەپاتيتى، تۇماۋ، قىزىلشا، قىزامىق، ەپيدەميالىق پاروتيت) بويىنشا ۆاكسيناتسيالاۋ جۇرگىزىلەدى. كۇزدە COVID-19 ۆيرۋسىمەن سىرقاتتانۋدىڭ ەكىنشى تولقىنى بولۋى مۇمكىن، بۇل رەتتە نەگىزگى قاۋىپ توبى سوزىلمالى اۋرۋلارى بار ادامدار، ونىڭ ىشىندە 65 جاستان اسقان ادامدار (جۇرەك- قانتامىر جۇيەسى اۋرۋلارى، قانت ديابەتى جانە وكپەنىڭ سوزىلمالى وبسترۋكتيۆتى اۋرۋى بار) جانە مەديتسينا قىزمەتكەرلەرى بولماق. وسىعان بايلانىستى قىركۇيەك ايىنىڭ باسىندا تۇماۋعا قارسى ۆاكسيناتسيالاۋ باستالادى. قازىرگى ۋاقىتتا 130000 دوزا جەتكىزىلۋى كەرەك. «س ك- فارماتسيا» ج ش س ءبىرىڭعاي ديسترريبيۋتورىنا قوسىمشا تۇماۋعا قارسى ۆاكسينانىڭ 300000 دوزاسىنا ءوتىنىم بەرىلدى، ول 2020 -جىلدىڭ قازان ايىندا جەتكىزىلەدى دەپ جوسپارلانۋدا.
اۆتور: الما مۇقانوۆا