سايلاۋ كۇنى قۇقىق بۇزۋشىلىق جاساعان 42 ادام جاۋاپقا تارتىلدى – و س ك
«داۋىس بەرۋ كۇنى سايلاۋ زاڭناماسىن ساقتاۋ شەڭبەرىندە ۋچاسكەلىك سايلاۋ كوميسسيالارى ءتيىستى قۇقىقتىق جاۋاپكەرشىلىك شارالارىن قولداندى. وسىلايشا، زاڭدى بۇزعانى ءۇشىن ۋچاسكەلىك كوميسسيالاردىڭ شەشىمىمەن ولاردىڭ جۇمىسىنا قاتىسۋدان 19 مۇشە دەرەۋ شەتتەتىلدى. اتالعان اقپاراتتىق ماتەريالداردىڭ الەۋمەتتىك جەلىلەردە تارالۋىنا جانە سايلاۋ كوميسسيالارىنا وسىنداي وتىنىشتەردىڭ تۇسۋىنە بايلانىستى ءبىز باس پروكۋراتۋراعا 19- ناۋرىز - سايلاۋ كۇنى تەكسەرۋ جانە قۇقىقتىق باعالاۋ جۇرگىزۋ تۋرالى سۇراۋ سالۋ جىبەردىك»، - دەدى و س ك ءتوراعاسى.
ونىڭ ايتۋىنشا، باس پروكۋراتۋرا ۇسىنعان اقپاراتقا ساي، سايلاۋ كۇنى كۇنى 42 ادام قۇقىق بۇزۋشىلىق جاساپ، اكىمشىلىك جاۋاپقا تارتىلعان.
«باس پروكۋراتۋرانىڭ رەسمي اقپاراتى بويىنشا داۋىس بەرۋ كۇنى 42 ادام قۇقىق بۇزۋشىلىق جاساپ، ولاردىڭ بارلىعى جاۋاپقا تارتىلدى. ولاردىڭ ىشىندە 7 ۋچاسكەلىك كوميسسيا مۇشەسىنە اكىمشىلىك قۇقىقبۇزۋشىلىق تۋرالى كودەكستىڭ 108-بابى، ال 18 ۋچاسكەلىك كوميسسيا مۇشەسىنە 110-باپ بويىنشا ايىپپۇل سالىندى. الايدا وسى ارەكەتتەر ازاماتتاردىڭ ەرىك ءبىلدىرۋ ناتيجەسىنە اسەر ەتپەدى جانە سايلاۋ وكرۋگىندەگى نەمەسە ءتيىستى اكىمشىلىك اۋماقتىق بىرلىكتەگى سايلاۋ ناتيجەسىن سەنىمدى تۇردە انىقتاۋعا مۇمكىندىك بەردى. وكىنىشكە قاراي، وسى ۋاقىتقا دەيىن وتباسىلىق داۋىس بەرۋ ءداستۇرى، ياعني وتباسى مۇشەلەرى مەن باسقا دا جاقىندارى ءۇشىن داۋىس بەرۋ، داۋىس بەرۋگە ارنالعان كابينادا ءبىر مەزگىلدە ءبىر ادامنان ارتىق بولۋ ءداستۇرى جانە تاعى باسقا كەمشىلىكتەر ءالى دە جويىلعان جوق»، - دەپ ءمالىم ەتتى نۇرلان ءابدىروۆ.
اۆتور
ءاليحان اسقار