الەكسەي سوي پرەزيدەنتكە تۇماۋعا قارسى ۆاكتسيناتسيالاۋ ناۋقانىنىڭ اياقتالعانىن دا جەتكىزدى. الەۋمەتتىك وسال توپقا كىرەتىن 2,3 ميلليون ادامعا ەكپە جاسالدى. ەپيدەميولوگيالىق ماۋسىم باستالعاننان بەرى ج ر ۆ ي- مەن سىرقاتتانۋ 2019 -جىلعى قىركۇيەك- قازان كەزەڭىمەن سالىستىرعاندا 1,3 ەسە تومەندەگەن.
«د د س ۇ وپتيميستىك بولجامىنا سايكەس جاڭا كوروناۆيرۋسقا قارسى ءتيىمدى ۆاكتسينا 2021 -جىلدىڭ ءبىرىنشى توقسانىنان ەرتە دايىن بولمايدى. قازىر الەمدە 200 جۋىق ۆاكتسينا جاساۋعا ۇمىتكەر بار بولسا، تەك 42 ءسى كلينيكالىق سىناقتان ءوتىپ جاتىر. ونىڭ 5 ەۋى - قازاقستاندىق كانديدات. حالىقتى كوروناۆيرۋس ينفەكتسياسىنا قارسى يممۋنداۋ ءۇشىن ۆاكتسينا وندىرۋگە جانە ساتىپ الۋعا، ءتۇرلى توپتاعى 3,6 ميلليون ادامدى ۆاكتسيناتسيالاۋعا ۇكىمەت رەزەرۆىنەن 47 ميلليارد تەڭگە قاجەت» دەدى دەنساۋلىق ساقتاۋ ءمينيسترى.
د د س ۇ اقپاراتىنا سايكەس، كوروناۆيرۋس ينفەكتسياسى بويىنشا ەپيدەميولوگيالىق جاعدايدىڭ ءتورت نەگىزگى سەناريى بار. قازاقستاندا، وڭتۇستىك كورەيادا، سينگاپۋردە، جاڭا زەلانديادا جانە يزرايلدە ىندەت باقىلاۋعا الىندى.
«ق ر- داعى ەپيدەميولوگيالىق احۋال سوڭعى ەكى ايدا وپتيميستىك بولجامعا سايكەس ءوتىپ جاتىر. ياعني قابىلدانعان شارالاردىڭ ناتيجەسىندە پەسسيميستىك بولجام ورىندالعان جوق. بۇل پوتەنتسيالدى لوكداۋندى ءبىر ايعا شەگەرۋگە مۇمكىندىك بەردى»، - دەدى ا. سوي. مينيسترلىك ەلدەگى جانە ءاربىر وڭىردەگى ەپيدەميولوگيالىق احۋالعا تۇراقتى مونيتورينگ جۇرگىزەدى، مەديتسينالىق ۇيىمدار كوروناۆيرۋس ينفەكتسياسىنىڭ ەكىنشى تولقىنىنا قارسى شارالار قابىلداۋدا.
جاعدايدى تۇراقتاندىرۋعا باعىتتالعان شارالار ءوز تيىمدىلىگىن كورسەتتى جانە مينيسترلىك جەرگىلىكتى اتقارۋشى ورگاندارمەن جانە باسقا دا مۇددەلى سالامەن بىرلەسىپ، مەديتسينالىق كومەك پەن ءدارى- دارمەك كولەمىن جوسپارلاۋدا بار كۇش- جىگەرىن سالىپ وتىر.