جاپونيادا 42 ادام قازا تاپتى
14:05, 23 - تامىز 2014
استانا. قازاقپارات - جاپونيادا نوسەر جاۋىن سالدارىنان تۋىنداعان سۋ تاسقىنى مەن لاي كوشكىنىنەن كەمىندە 42 ادام قازا تاپتى، دەپ حابارلادى شەتەلدىك ب ا ق.
جەرگىلىكتى بۇقارالىق اقپارات قۇرالدارىنىڭ پوليتسيا وكىلدەرىنە سىلتەمە جاساپ حابارلاۋىنشا، تاعى 43 ادامنىڭ تاعدىرى بەيمالىم. قازىرگى ۋاقىتتا حيروسيما اۋدانىندا شامامەن 3 مىڭ قۇتقارۋشى ىزدەۋ جۇمىستارىن جۇرگىزىپ، تۇرعىنداردى قاۋىپسىز جەرگە كوشىرۋ جۇمىستارىنا ءوز قولعابىستارىن تيگىزۋدە.
سۋ تاسقىنى سالدارىنان وسى اۋداندا تۇراتىن شامامەن 100 مىڭ ادام باسپانالارىن تاستاپ، قاۋىپسىز جەرگە كوشۋگە ءماجبۇر بولدى.
اۆتور: مارلان جيەمباي