مينيسترلىك قانشا قازاقستاندىقتىڭ شوتىنا 42500 تەڭگە اۋدارىلعانىن ايتتى
«24- شىلدە ساعات 9.00 دەگى جاعداي بويىنشا شىلدە ايىندا شەكتەۋ شارالارىن ەنگىزۋگە بايلانىستى تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان ەڭ تومەنگى جالاقى - 42500 تەڭگە مولشەرىندە ءبىرجولعى تولەم تاعايىنداۋعا ازاماتتاردان 2 ميلليوننان استام بىرەگەي ءوتىنىش قابىلداندى. تولەم 1 ميلليون 661 مىڭ ادامعا تاعايىندالدى. اقشالاي قاراجات 1 ميلليون 594 مىڭ قازاقستاندىققا اۋدارىلدى»، دەلىنگەن حابارلامادا.
م ءا س ق- تان تولەم الۋعا وتىنىمدەر بىرنەشە ارنا ارقىلى قابىلدانادى.
2 ميلليوننان استام ءوتىنىمنىڭ ىشىندە:
- 801,8 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى؛
- 499,4 مىڭ ادام Egov.kz پورتالى جانە Telegram-بوتتار ارقىلى؛
- 226 مىڭ ادام 42500.enbek.kz پورتالى ارقىلى؛
- 494,3 مىڭ ادام ەكىنشى دەڭگەيدەگى بانكتەردىڭ ءموبيلدى قوسىمشاسى مەن ينتەرنەت رەسۋرستارى ارقىلى ءوتىنىش بەرگەن.
ازاماتتاردىڭ ساناتتارى بولىنىسىندە:
- 801,8 مىڭ ءوتىنىش ءبىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا)؛
- 137,7 مىڭ ءوتىنىشتى جالدامالى قىزمەتكەرى ءۇشىن جۇمىس بەرۋشىلەر بەردى؛
- 1 ميلليون 82 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر؛ جەكە پراكتيكامەن اينالىساتىن ادامدار؛
ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالار).
تولەم 1 ميلليون 661 مىڭ ادامعا تاعايىندالدى. اقشالاي قاراجات 1 ميلليون 594 مىڭ قازاقستاندىققا اۋدارىلدى.
ايتا كەتەرلىگى، ءوتىنىش قابىلداۋ 2020-جىلدىڭ 1- قىركۇيەگىنە دەيىن جالعاسادى.