بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم ەتتى، دەپ حابارلايدى قازاقپارات.
«3 ميلليون 482 مىڭ ادامعا ت ج كەزەڭىندە تابىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان (م ءا س ق) الەۋمەتتىك تولەم تاعايىندالدى»، - دەدى مينيسترلىكتەن.
جالپى، 17 ءساۋىر ساعات 11:00-دەگى جاعداي بويىنشا، 42500 تەڭگە كولەمىندەگى تولەمگە 6 ميلليون 671 مىڭ ازامات ءوتىنىش بەرگەن. ەڭ كوپ ءوتىنىش الماتى وبلىسىنان تۇسكەن - 846,5 مىڭ. تۇركىستان وبلىسىنان - 801,6 مىڭ، الماتى قالاسىنان - 784,2 مىڭ، نۇر-سۇلتان قالاسى - 507,8 مىڭ، شىمكەنت قالاسى 431 مىڭ ءوتىنىش جىبەرىلگەن. جاردەماقى ەڭ كوپ تاعايىندالعان وڭىرلەردىڭ الدىڭعى قاتارىندا الماتى وبلىسى تۇر.
بۇل وڭىردە 42500 تەڭگەدەن 520 مىڭ ادام الدى. تۇركىستان وبلىسىندا - 415,6 مىڭ، الماتى قالاسىندا 333,2 مىڭ تۇرعىن الدى. سونداي-اق ەڭبەك مينيسترلىگى وتىنىشتەردى قاراۋ مەرزىمىنىڭ ۇلعايۋىنا جول بەرمەۋ ماقساتىندا ءوتىنىشتى ءبىر رەت قانا جولداۋدى سۇرايدى. م ءا س ق- تا تولەم جاساۋ تۋرالى شەشىم قابىلدانعاننان كەيىن ءوتىنىش بەرۋشىگە SMS- حابارلاما كەلەدى. كەيىننەن ءوتىنىش بەرۋشىنىڭ دەرەكتەرى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- عا جىبەرىلەدى.
ول ونى ەكىنشى دەڭگەيدەگى بانكتەرگە تولەم جۇرگىزۋ ءۇشىن جىبەرەدى. الەۋمەتتىك تولەم الۋعا ءوتىنىمدى eGov پورتالى، 42500.enbek.kz ۆەب- سايتى جانە https://t.me/Help42500Bot ادرەسى بويىنشا Telegram-بوت ارقىلى بەرۋگە بولادى.
ەستەرىڭىزگە سالا كەتەيىك، قولدانىستاعى قاعيدالارعا سايكەس ت ج كەزەڭىندە قىزمەتتىڭ شەكتەلۋىنە بايلانىستى تابىسىنان ايىرىلعان جاعدايدا ءبىر ادامعا م ءا س ق- تان ايىنا 42500 تەڭگە مولشەرىندە بەرىلەتىن الەۋمەتتىك تولەم كەلەسى ساناتتارعا:
- جەكە كاسىپكەرلەرگە جانە شاعىن جانە ورتا كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە؛
- كارانتين ەنگىزىلگەن ەلدى مەكەندەردە قىزمەتىن جۇزەگە اسىراتىن ءىرى كاسىپكەرلىك سۋبەكتىلەرىنىڭ جالاقىسى ساقتالمايتىن دەمالىستاعى قىزمەتكەرلەرىنە؛
- مەملەكەتتىك مەكەمەلەردى قوسپاعاندا، كوممەرتسيالىق ەمەس زاڭدى تۇلعالاردىڭ جالاقىسى ساقتالمايتىن دەمالىستاعى قىزمەتكەرلەرىنە؛
- جەكە پراكتيكامەن اينالىساتىن ادامدارعا (نوتاريۋس، جەكە سوت ورىنداۋشىسى، ادۆوكات، كاسىبي مەدياتور)؛
- ق ر سالىق كودەكسىنىڭ 774 بابىنا سايكەس، ءبىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالارعا؛
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان ادامدارعا تاعايىندالادى.
1- جانە 2-تارماقشالار ۇلتتىق باسقارۋ حولدينگتەرىنىڭ، ۇلتتىق حولدينگتەر مەن ۇلتتىق كومپانيالاردىڭ قىزمەتكەرلەرىنە قاتىستى ەمەس.