«بۇگىنگى كۇنى الەۋمەتتىك جەلىدە ەڭ كوپ تالقىعا ءتۇسىپ جاتقان تاقىرىپتىڭ ءبىرى - 42500 تەڭگەنى العان كەزدەگى جاۋاپكەرشىلىك. ول جايلى جازعان ادامداردىڭ كوبى ىزاعا بەرىلىپ، ودان باس تارتۋ كەرەك پە، الدە نەلىكتەن از سوماعا بولا قاتاڭ باقىلاۋ قويىلعان دەگەن سىڭايدا ويلارىن ءبىلدىرىپ جاتىر. بۇل سۇراقتاردىڭ نەگە كوبەيىپ كەتكەنىن تۇسىنۋگە بولادى. ماسەلەنى تۇسىندىرە كەتەيىن»، - دەپ Facebook-پاراقشاسىندا جازعان ناريمان مۇقىشەۆ مىناداي ستاستيستيكا كەلتىرەدى.
قازىرگى تاڭدا ەلىمىزدە 3,3 ميلليون ادامعا 42500 تەڭگەلىك الەۋمەتتىك تولەم تاعايىندالعان. ءوتىنىم العاش قابىلدانا باستاعالى بەرى 20 كۇننىڭ ىشىندە عانا وسىنشا ادام قامتىلعان. ۆيتسە- مينيستر بۇل رەتتە الەۋمەتتىك تولەم شىنىندا دا ت ج كەزىندە كىرىسىن جوعالتقان ادامدارعا بەرىلۋى كەرەكتىگىن ەسكە سالادى.
الايدا، كىرىسىن جوعالتپاعان ءارى قاشىقتان جۇمىس ىستەپ جاتقان ادامداردىڭ ءوزى ءوتىنىم بەرىپ جاتقان كورىنەدى.
«بالكىم بىرەۋ جاي عانا تەسكەرىپ كورۋدى، ال ەكىنشىسى قوسىمشا كىرىس العىسى كەلگەن بولار. قازىر ت ج رەجيمى بولعاندىقتان ءبىز قۇجاتتار پاكەتىن سۇراپ جاتقان جوقپىز. ءوتىنىم ەڭ قاراپايىم جولمەن بەرىلگەننەن كەيىن ءبىز ونى اۆتوماتتى تۇردە قاراپ، شەشىم قابىلدايمىز. وسىمەن ءىس ءبىتتى. الايدا، «جالعان مالىمەت» بەرگەن اداممەن جاۋاپكەرشىلىك بىرگە ەرىپ جۇرەدى. سول سەبەپتى كىرىسىن جوعالتپاعان جانە اتالمىش تولەمدى سۇراعان ادامدارعا جاۋاپكەرشىلىكتىڭ بارىن ەسكەرتىپ جاتىرمىز»، - دەيدى ول. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اتاپ وتكەندەي، ەگەر الەۋمەتتىك تولەمدى قاتەلەسىپ العاندار ونى قايتاراتىن بولسا، ولار جاۋاپكەرشىلىككە تارتىلمايدى.
«ەگەر ءسىز ت ج كەزىندە جۇمىستان ايىرىلىپ، اتالمىش تولەمدى الساڭىز - دەمەك ءبارى دۇرىس، ءبىزدىڭ تاراپتان ەشقانداي سۇراق تۋىندامايدى. ال ەگەر تابىسىڭىزدى جوعالتپاي، اتالمىش تولەمدى الساڭىز - ازاماتتىق جاۋاپكەرشىلىكتى تانىتىپ، اتالمىش تولەمنەن باس تارتۋدى سۇرايمىز. وندا ەشقانداي سۇراق تۋىندامايدى. ەگەر ايلىق الىپ جاتقاننان كەيىن ب ج ت تولەگەنىڭىزبەن، ت ج- عا بايلانىستى جۇمىستان بوساپ، اۋدارىم مەن سالىقتى اۋدارماساڭىز، 42500 تەڭگە سىزگە تيەسىلى. ءبىزدىڭ تاراپتان ەشقانداي ءۋاج بولمايدى»، - دەدى ول.
ەسكە سالا كەتسەك كۇنى كەشە مەملەكەتتىك كوميسسيانىڭ شۇعىل شتابى 42500 تەڭگە تولەمىن تاعايىنداۋ ەرەجەسىندەگى وزگەرىستەردى جاريالاعان بولاتىن. ال ق ر ەڭبەك جانە حالىقتى الەۋمەتتىك قورعاۋ مينيسترلىگى تولەمدى قايتارۋعا نيەتتى ادامدار ونى بانكتەردىڭ سمارتفونداعى قوسىمشاسى ارقىلى جاساي الاتىنىن ءمالىم ەتكەن ەدى.