بۇل تۋرالى بۇگىن ورتالىق كوممۋنيكاتسيالار قىزمەتىندەگى ونلاين-بريفينگتە ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.
«كەلەسى ماسەلە ءبىرىڭعاي جيىنتىق تولەمى جايىندا بولىپ وتىر.
مۇنى ءبىر ازاماتتار YouTube تا، باسقا جەرلەردە حالىققا: «مەملەكەت سىزدەردى الداپ جاتىر. بەيرەسمي جۇمىس ىستەپ جۇرگەندەر ءبىر رەت قانا ب ج ت تولەسە جەتكىلىكتى دەگەندەرى وتىرىك. ونى سىزدەر اي سايىن تولەۋلەرىڭىز كەرەك. اي سايىن تولەمەسەڭىزدەر كەيىن مويىندارىڭىزعا قارىز قىلىپ ىلەدى»، دەپ ءتۇسىندىرىپ جاتىر.
بۇل - جالعان اقپارات، سەنبەڭىزدەر. بۇل - ەرەكشە، توتەنشە جاعدايعا قاتىستى زاڭ. سوندىقتان ءسىز بەيرەسمي جۇمىس ىستەپ جۇرسەڭىز، تىرشىلىك جاساپ اقشا تاۋىپ، سودان ءقازىر ايىرىلىپ قالساڭىز ب ج ت- تىنى ءبىر رەت قانا تولەۋىڭىز كەرەك»، - دەدى مينيستر. بۇل رەتتە ءبىرجان نۇرىمبەتوۆ ءبىرىڭعاي جيناق تولەمىن 42500 تەڭگە الەۋمەتتىك تولەمگە ءوتىنىش بەرمەي تۇرىپ تولەگەن دۇرىس ەكەندىگىن باسا ايتتى.
«وسى كۇنگە دەيىن ءبىراز ازامات الدىمەن ءوتىنىشىن بەرىپ الىپ، ودان كەيىن ب ج ت- نى تولەگەن. ءبىز ونى تۇسىنەمىز. سوندىقتان ولاردىڭ ب ج ت-سى ءتۇسىپ قالار دەپ ونى تولەپ قويعان 100 مىڭداعان ادامنىڭ ءوتىنىشىن ءسىز سياقتى جاڭىلىسقان ادامنىڭ اقشاسى ءتۇسىپ قالار دەۋمەن ارى قاراي جىبەرمەي ۇستاپ وتىرمىز. سەبەبى، بارلىعىن ءبىراق تەكسەرۋىمىز قاجەت. بەيرەسمي جۇمىس ىستەيتىندەر الدىمەن ءبىرىڭعاي جيناق تولەمىن تولەپ، ودان كەيىن ءبىر تاۋلىكتەن سوڭ ءوتىنىش بەرگەندەرىڭىز دۇرىس بولار ەدى»، - دەدى ول.