ۆيتسە-مينيستر 42500 تەڭگەنى ەكىنشى ايدا قالاي الۋ كەرەگىن ايتتى
شەنەۋنىكتىڭ ايتۋىنشا، ەكىنشى ايدا 42500 تەڭگە الۋ ءۇشىن قايتادان ءوتىنىم جىبەرۋ قاجەت ەمەس.
«بۇگىن تاڭەرتەڭ مەملەكەت باسشىسى ت ج رەجيمى ءساۋىر ايىنىڭ سوڭىنا دەيىن ۇزارتىلعانىن ايتتى. باستاپقىدان 42500 - توتەنشە جاعدايعا بايلانىستى تابىسىنان ايىرىلعان ازاماتتارعا بەرىلەتىن اي سايىنعى تولەم ەكەنى ايتىلعان بولاتىن.
ياعني، ت ج ۇزارتىلعان جاعدايدا، ادامدار كەلەسى ايدا ەكىنشى رەت بۇل سومانى الادى. وعان ۇمىتكەر بولۋ ءۇشىن تاعى ءوتىنىش بەرۋدىڭ جانە بىردەڭەنى دالەلدەۋدىڭ قاجەتى جوق. قازىر ءوتىنىم بەرگەن جانە اقشاسى تۇسكەن ادامدار قايتا الادى»، - دەدى ۆيتسە- مينيستر.
توتەنشە جاعداي رەجيمى تەك ەكى اپتاعا (30-ساۋىرگە دەيىن) ۇزارتىلعاندىقتان ەكىنشى ايدا تولەمنىڭ جارتىسى عانا بەرىلە مە، دەگەن سۇراققا مۇقىشەۆ: «قازىر بۇل جاعى تالقىلانىپ جاتىر. تولىق 42500 تەڭگە تولەۋدى جوسپارلاپ وتىرمىز. نە بولسا دا، ءبارى ەرەجەلەرگە ساي قابىلدانادى. بارلىعى حالىققا جەتكىزىلەدى»، - دەپ جاۋاپ بەردى.
ۆيتسە- مينيستر 42500 تەڭگە توتەنشە جاعداي كەزەڭىنە تاعايىندالعانىن، سوندىقتان العاشقى تولەم 16-ناۋرىزدان 15-ساۋىرگە دەيىن جۇرەتىنىن ايتتى. سونىمەن قاتار، 15-ساۋىرگە دەيىن تولەم الۋعا ءوتىنىم بەرىلسە، وندا ول ادام العاشقى تولەمگە ۇمىتكەر بولا الادى.