دەكرەتتە وتىرعان انالارعا 42500 تەڭگە بەرىلە مە - مينيستر جاۋابى

نۇر-سۇلتان. قازاقپارات - دەكرەتتە وتىرعان انالار ءبىر جىل وتكەننەن كەيىن ءبىرىڭعاي جيناقتىق تولەمدى تولەپ، 42500 تەڭگەدەن ۇمىتتەنۋىنە بولادى.

بۇل تۋرالى ورتالىق كوممۋنيكاتسيالار قىزمەتىندە وتكەن ونلاين بريفينگتە ايتىلدى، دەپ حابارلايدى قازاقپارات ءتىلشىسى.

«ءبىرىڭعاي جيناقتىق تولەم تولەي سالسام، رەسمي جۇمىس ىستەمەي جۇرگەن ادام رەتىندە 42500 تەڭگە بەرە سالاتىن شىعار» دەپ ويلايتىن ازاماتتارعا ايتارىم: ەگەر ءسىز قازىر جۇمىس ىستەپ جۇرسەڭىز نەمەسە جەكە كاسىپكەر بولساڭىز، باسقا الەۋمەتتىك تولەمدەر الىپ جۇرسەڭىز، «42500 تەڭگە الام» دەگەن ويىڭىز دۇرىس ەمەس»، - دەيدى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.

ول دەكرەتتەگى ايەلدەرگە اتالعان تولەم بەرىلە مە دەگەن سۇراققا جاۋاپ بەردى.

«ولارعا بالا كۇتىمى ءۇشىن بالا ءبىر جاسقا تولعانشا مەملەكەت تاراپىنان جاردەماقى تولەنەدى. ءبىر جىلدان اسقاننان كەيىن ولار جۇمىسقا شىعار ەدى، ءبىراق توتەنشە جاعدايعا بايلانىستى ەشكىمدى جۇمىسقا المايدى. سوندىقتان دەكرەتتە وتىرعان انالار ءبىر جىل وتكەننەن كەيىن ءبىرىڭعاي جيناقتىق تولەمدى تولەپ، 42500 تەڭگەدەن ۇمىتتەنۋىنە بولادى»، - دەيدى ول.