Stopfake.kz سايتى ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ حابارلاۋىنشا، بۇل اقپارات - جالعان. 42500 تەڭگە مولشەرىندەگى الەۋمەتتىك تولەم مەملەكەتتىك الەۋمەتتىك ساقتاندىرۋ قورىنىڭ (م ءا س ق) قاراجاتى ەسەبىنەن تولەندى جانە ول كارانتيندىك شەكتەۋلەر مەن توتەنشە جاعداي رەجيمىنە بايلانىستى جۇمىسىنان ايىرىلعان جۇمىس ىستەيتىن ازاماتتارعا بەرىلدى.
«ەگەر ازامات جۇمىسسىز بولسا، ول قازاقستان رەسپۋبليكاسىنىڭ بارلىق اۋماعىندا شەكتەۋلەردىڭ ەنگىزىلۋىنە بايلانىستى تابىسىنان ايىرىلۋى مۇمكىن ەمەس ەدى. تيىسىنشە، ول 42500 تەڭگە الماۋعا ءتيىس جانە ءوزىن-ءوزى جۇمىسپەن قامتۋشى رەتىندە تولەم الۋعا ءوتىنىش بەرمەۋى كەرەك ەدى، ويتكەنى ول بۇل ساناتقا جاتپايدى. دەگەنمەن، قازىر م ءا س ق 42500 تەڭگە العان جۇمىسسىزداردان 20000 تەڭگە كولەمىندەگى قاراجاتتى قايتارۋدى تالاپ ەتىپ جاتپاعانىن اتاپ وتكەنىمىز ءجون، - دەپ حابارلادى ق ر ەڭبەك جانە حالىقتى الەۋمەتتىك قورعاۋ مينيسترلىگىنەن.
ايتا كەتەيىك، 42500 تەڭگە كولەمىندەگى الەۋمەتتىك تولەمدى قايتارۋ قاجەتتىگى تۋرالى اقپارات ينتەرنەتتە بۇعان دەيىن دە تاراعان بولاتىن. ەڭبەك جانە حالىقتى الەۋمەتتىك قورعاۋ مينيسترلىگى بۇل اقپاراتتاردىڭ شىنايىلىعىن جوققا شىعاردى.