ايەلدەر تۇرمەسىندەگى تارتىپسىزدىكتەن 41 ادام قازا تاپتى
قارسى توپتار اراسىندا توبەلەس باستالىپ، ءبىر تاراپ ەكىنشىسىنىڭ كامەراسىن ورتەپ جىبەرگەن. رەسمي تۇلعالاردىڭ حابارلاۋىنشا، ءورت كوپ ادامنىڭ قازاسىنا سەبەپ بولدى، كەيبىر قۇرباندار وققا ۇشقان. تاعى بىرنەشە جازاسىن وتەۋشى اۋرۋحاناعا جەتكىزىلدى. ەلدىڭ قاۋىپسىزدىك ءمينيسترىنىڭ ورىنباسارى حۋليسسا ۆيلنۋەۆا توتەنشە جاعداي جاريالادى.
«ادامدار اراسىندا قۇرباندىققا جول بەرىلمەيدى»، - دەدى ول.
تۇرمە گوندۋراس استاناسى تەگۋسيگالپادان 20 شاقىرىمداي جەردە ورنالاسقان جانە وعان 900 گە جۋىق ادام سىيادى. وقيعا كەزىندە تۇرمەنىڭ ءبىر بولىگى تولىعىمەن قيراعان.
پرەزيدەنت كسيومارا كاسترو الەۋمەتتىك جەلىدە ايەلدەردىڭ جانتۇرشىگەرلىك ولىمىنە بايلانىستى ءتيىستى شارا قولداناتىنىن ايتتى.
گوندۋراس سىبايلاس جەمقورلىق جانە توپتىق زورلىق-زومبىلىق كوپ جاسالاتىن ەل رەتىندە تانىمال. كورشىلەس سالۆادور جانە گۆاتەمالامەن بىرگە، بۇل ەل وڭتۇستىك امەريكادان قۇراما شتاتتارعا كەلەتىن كوكايننىڭ نەگىزگى ترانزيتتىك باعىتى بولىپ سانالادى.