بۇل جايىندا ءماجىلىس دەپۋتاتتارىنىڭ ساۋالىنا ق ر پرەمەر-ءمينيسترى اسقار ماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«مەملەكەت باسشىسىنىڭ 2019 -جىلعى 2-قىركۇيەكتەگى قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ 79-تارماعىنا سايكەس «مەملەكەتتىك تۇرعىن ءۇي قورىنان بەرىلەتىن تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج ازاماتتاردى ەسەپكە الۋ جانە كەزەككە قويۋ، سونداي-اق جەرگىلىكتى اتقارۋشى ورگانداردىڭ تۇرعىن ءۇي بەرۋ تۋرالى شەشىم قابىلداۋى» تۇرعىن ۇيگە كەزەكتە تۇرعانداردى ەسەپكە الۋدىڭ ءبىرىڭعاي ۇلتتىق جۇيەسى (بۇدان ءارى –س ب ءو) ەنگىزىلدى. س ب ءو- نى دامىتۋدىڭ ماقساتى - تۇرعىن ءۇيدى قويۋ، ەسەپتەن شىعارۋ، تۇگەندەۋ جانە ءبولۋ پروتسەستەرىنىڭ اشىقتىعى، ورتالىقتاندىرىلۋى، وڭتايلاندىرىلۋى جانە اۆتوماتتاندىرىلۋى. س ب ءو سەرۆيسى ينتەگراتسيالانعان اقپاراتتىق جۇيە بولىپ سانالادى. ول بويىنشا مالىمەتتەر پورتالدا تىكەلەي تۇسىرىلۋدە»، - دەدى ۇكىمەت باسشىسى.
ايتا كەتەرلىگى، اتالعان جۇيە 22 مەملەكەتتىك ورگاننىڭ (م قءى ا، قارجى مينيسترلىگى، ەڭبەك مينيسترلىگى، د س م، ادىلەت مينيسترلىگى، سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى، مەملەكەتتىك كورپوراتسيا جانە «ق ت ق ج ب» ا ق» ) اقپاراتتىق جۇيەلەرىمەن بىرىكتىرىلگەن.
ونىڭ اتاپ وتۋىنشە، مەملەكەتتىك دەرەكقورمەن ينتەگراتسيالانعاننان كەيىن س ب ءو ەنگىزۋ قورىتىندىسىندا كەزەكتە تۇرعاندار بويىنشا 1327805 سايكەسسىزدىك (تۇرعىن ءۇيدىڭ بولۋى، ساناتتىڭ سايكەس كەلمەۋى جانە ت. ب. ) انىقتالدى. اكىمدىكتەر 796162 سايكەسسىزدىكتى پىسىقتادى. قازىرگى ۋاقىتتا وسى باعىتتا جۇمىس جالعاسىپ جاتىر.
«بۇگىندە جۇيەنىڭ جۇمىسى ەسەبىنەن سايكەسسىزدىكتەرگە بايلانىستى كەزەكتەن 41 مىڭنان استام ادام شىعارىلدى. وسىلايشا، س ب ءو ەنگىزۋدى ەسكەرە وتىرىپ، مەملەكەتتىك تۇرعىن ءۇي قورىنان تۇرعىن ءۇي الۋعا كەزەكتە تۇرعان ازاماتتاردىڭ «ەلەكتروندى ۇكىمەت» پورتالىندا ءوز كەزەگىن كورۋگە تىكەلەي جانە ەركىن قول جەتكىزۋ مۇمكىندىگى بار»، - دەدى پرەمەر-مينيستر.